Книга Премудрости Иисуса, сына Сирахова, глава 3 неканонич.

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 3
3:1	Мене отца послушайте, чада, и сице творите, да спасетеся:
3:2	Господь бо прослави отца на чадех и суд матере утверди на сынех.
3:3 См.: 🔗Исх. 20:12 🔗Втор. 5:16 🔗Сир. 8:12 🔗Еф. 6:2	Чтый отца очистит грехи,
3:4	и яко сокровищствуяй прославляяй матерь свою.
3:5	Чтый отца возвеселится о чадех и в день мольбы своея услышан будет.
3:6	Прославляяй отца долгоденствовати будет, и послушаяй Господа упокоит матерь свою.
3:7	Бояйся Господа почтит отца и яко владыкам послужит родившым его.
3:8 См.: 🔗Сир. 7:29 🔗Мф. 15:4 🔗Мк. 7:10	Делом и словом чти отца твоего и матерь, да найдет ти благословение от них.
3:9 См.: 🔗Быт. 27:27 🔗Втор. 33:1	Благословение бо отчее утверждает домы чад, клятва же матерня искореняет до основания.
3:10	Не славися в безчестии отца твоего, несть бо ти слава отчее безчестие:
3:11	слава бо человеку от чести отца его, и поношение чадом мати в безславии.
3:12	Чадо, заступи в старости отца твоего и не оскорби его в животе его:
3:13	аще и разумом оскудевает, прощение имей и не обезчести его всею крепостию твоею.
3:14	Милость бо отча не забвена будет, и противу грехов присозиждется тебе:
3:15	в день скорби твоея воспомянет тя: якоже лед от зноя, тако растают греси твои.
3:16	Коль хулен оставляяй отца, и проклят Господем раздражаяй матерь свою.
3:17	Чадо, в кротости дела твоя препровождай, и человеком приятным возлюблен будеши.
3:18 См.: 🔗Флп. 2:3	Елико велик еси, толико смиряйся, и пред Господем обрящеши благодать.
3:19 См.: 🔗Ис. 66:2 🔗Иак. 4:6	Мнози суть высоцы и славни: но кротким открываются тайны,
3:20	яко велия сила Господня, и смиренными славится.
3:21 См.: 🔗Рим. 12:3	Вышших себе не ищи и крепльших себе не испытуй.
3:22	Иже ти повеленна, сия разумевай: несть бо ти потреба тайных.
3:23 См.: 🔗Деян. 19:14	Во избытцех дел твоих не любопытствуй: вящшая бо разума человеческаго показана ти суть:
3:24	многи бо прельсти мнение их, и мнение лукавно погуби мысль их.
3:25	И любяй бедство впадет в не:
3:26 См.: 🔗Иер. 6:7	сердце жестоко озлобится на последок:
3:27	сердце жестоко отяготится болезньми, и грешник приложит грехи на грехи.
3:28 См.: 🔗Прит. 16:18 🔗Дан. 5:20	В наведении величаваго несть изцеления: сад бо лукавствия вкоренися в нем.
3:29 См.: 🔗Ин. 8:47	Сердце разумиваго уразумеет притчу, и ухо слышателя вожделение премудраго.
3:30 См.: 🔗Пс. 40:2 🔗Дан. 4:24 🔗Мф. 5:7	Огнь горящь угасит вода, и милостыня очистит грехи.
3:31	Воздаяй благодати помнимь бывает по сих и во время падения своего обрящет утверждение.