Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 6 | |
6:1 См.: 🔗Чис. 10:9 🔗Иер. 4:5 | Укрепитеся, сынове Вениаминовы, посреде Иерусалима, и в Фекуи вострубите трубою, и над Вефахармом воздвигните хоругвь: яко злая произникоша от севера, и сотрение велико бывает: |
6:2 | и отимется высота твоя, дщи Сионя. |
6:3 См.: 🔗Иер. 12:10 | К ней приидут пастырие и стада их, и поставят на ней кущы окрест, и упасут кийждо рукою своею. |
6:4 См.: 🔗Иер. 51:27 | Уготовитеся на ню на крань, востаните и взыдем на ню о полудни: горе нам, яко уклонися день, яко изчезают сени дневныя. |
6:5 | Востаните и взыдем на ню нощию и расточим основания ея. |
6:6 См.: 🔗Ис. 5:7 | Яко сия глаголет Господь Сил: посецы древа его, излий на Иерусалим силу: о, граде лживый, всякое насильство в нем! |
6:7 См.: 🔗Иер. 9:3 | Якоже студену творит кладязь воду свою, тако студену творит ю злоба ея: нечестие и пакости услышатся в нем над лицем его всегда. |
6:8 | Немощию и язвою накажешися, Иерусалиме: да не отступит душа Моя от тебе, да не сотворю тя непроходну, землю необитанну. |
6:9 См.: 🔗Иер. 8:13 🔗Иер. 17:6 | Яко сия глаголет Господь Сил: обирайте, обирайте, аки виноград, останки Израилевы, обратитеся аки обиратель на кошницу свою. |
6:10 См.: 🔗Деян. 7:51 | Кому возглаголю и (кому) засвидетельствую, и услышит? Се, необрезана ушеса их, и слышати не возмогут: се, слово Господне бысть к ним в поношение, и не восприимут того. |
6:11 См.: 🔗Иер. 7:20 | И ярость Мою исполних, и терпех, и не скончах их: излию на младенцы отвне и на собрание юнош вкупе: муж бо и жена яти будут, старец со исполненным дний. |
6:12 См.: 🔗Втор. 28:30 | И прейдут домы их ко иным, поля и жены их такожде, яко простру руку Мою на обитающих на земли сей, глаголет Господь. |
6:13 См.: 🔗Ис. 56:11 🔗Иер. 8:10 | Понеже от меншаго и даже до болшаго вси совершиша беззаконная, от священника и даже до лжепророка вси сотвориша ложная |
6:14 См.: 🔗Иер. 8:11 🔗Иер. 23:17 | и целяху сотрение людий Моих, уничижающе и глаголюще: мир, мир: и где есть мир? |
6:15 См.: 🔗Иер. 18:11 | Постыдешася, яко оскудеша: и ниже аки посрамляеми постыдешася и безчестия своего не познаша: сего ради падут падением своим и во время посещения своего погибнут, рече Господь. |
6:16 См.: 🔗Иер. 18:15 🔗Мф. 11:29 | Сия глаголет Господь: станите на путех и видите, и вопросите о стезях Господних вечных и видите, кий есть путь благ, и ходите по нему и обрящете очищение душам вашым. И рекоша: не пойдем. |
6:17 См.: 🔗Ис. 62:6 | И поставих над вами стражы: слышите глас трубы. И рекоша: не послушаем. |
6:18 | Сего ради услышаша языцы и пасущии стада своя. |
6:19 См.: 🔗Чис. 14:35 🔗Ис. 1:2 | Слыши, земле: се, Аз навожду на люди сия злая, плод отвращения их, яко словес Моих не послушаша и закон Мой отвергоша. |
6:20 | Вскую Мне кадило от Савы приносите и кинамон от земли дальния, всесожжения ваша не суть приятна, и жертвы вашя не усладиша Мя. |
6:21 | Сего ради тако глаголет Господь: се, Аз дам на люди сия болезнь, и изнемогут отцы и сынове вкупе, сосед и искренний его погибнут. |
6:22 | Сия глаголет Господь: се, людие грядут от севера, и язык велик востанет от конец земли, |
6:23 | лук и щит возмут: мучителен есть и не умилосердится: глас его, яко море шумящее: на конех и колесницах ополчится аки огнь на брань на тя, дщи Сионя. |
6:24 | Слышахом слух его, ослабеша руце наши, скорбь объят нас, болезни яко родящия. |
6:25 См.: 🔗Мф. 24:17 | Не исходите на нивы и на пути не ходите, понеже мечь вражий обитает окрест. |
6:26 См.: 🔗Иер. 4:8 | Дщи людий моих, препояшися вретищем и посыплися пепелом, плачь возлюбленнаго сотвори тебе рыдание горько, понеже внезапу приидет запустение на вас. |
6:27 См.: 🔗Иер. 1:10 | Искусителя дах тя в людех искусных, и увеси Мя, внегда искусити Ми путь их: |
6:28 См.: 🔗Иез. 22:18 | вси непослушни ходящии строптиво: медь и железо, вси растлени суть. |
6:29 | Оскуде мех от огня, истле олово: всуе ковачь сребро кует, лукавства бо их не истаяша. |
6:30 См.: 🔗Ис. 1:22 | Сребро отриновено нарцыте их, яко Господь отверже их. |