Книга Премудрости Иисуса, сына Сирахова, глава 32 неканонич.

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 32
32:1	Старейшину ли тя поставиша, не возносися, но буди в них яко един от них:
32:2	попецыся ими, и тако сяди. И всю потребу твою сотворив возлязи,
32:3	да возвеселишися их ради и красоты ради приимеши венец.
32:4 См.: 🔗Иов. 12:12	Глаголи, старейшино, подобает бо ти,
32:5	испытною хитростию и не возбрани мусикии:
32:6 См.: 🔗Еккл. 3:7 🔗Сир. 20:7	идеже слушание (будет), не изливай беседы и без времене не мудрися.
32:7	Печать анфракса на украшении злате, и сладкогласие мусикиев в пиршестве вина.
32:8	Во украшении златем печать смарагдова, сладкопение мусикиев по сладцем вине.
32:9	Глаголи, юноше, аще тебе есть потреба, едва дващи, аще вопрошен будеши:
32:10	сократи слово, малыми многая (изглаголи): буди яко ведый и вкупе молчя.
32:11	Посреде вельмож не равен творися и иному глаголющу не многослови.
32:12	Прежде грома предваряет молния, и прежде стыдливаго предваряет благодать.
32:13	Во время воставай, а не последи (иных), в дом отиди и не ленися:
32:14	тамо играй и твори помышления твоя, и не согрешай словом гордым.
32:15 См.: 🔗Втор. 8:10	И о сих благослови Сотворшаго тя и Упоевающаго тя от благ Своих.
32:16 См.: 🔗Иер. 25:3	Бояйся Господа приимет наказание, и утренюющии обрящут благоволение.
32:17 См.: 🔗Сир. 14:21 🔗2Пет. 2:20	Ищай закона насытится его, и лицемерствуяй соблазнится о нем.
32:18	Боящиися Господа обрящут суд и оправдания яко свет возжгут.
32:19	Человек грешник укланяется от обличения и по воли своей обретает извинение.
32:20	Муж советный не презрит размышления, чуждый же и гордый не убоится страха и по сотворении своем без совета.
32:21	Без совета ничесоже твори, и егда сотвориши, не раскаявайся.
32:22 См.: 🔗Прит. 15:19	На пути падения не ходи и не претыкайся о камение:
32:23 См.: 🔗Мих. 7:6	не веруй пути, в немже не претыкаешися, и от чад своих хранися.
32:24 См.: 🔗Пс. 36:5	Во всяцем деле блазе веруй душею твоею, ибо сие есть соблюдение заповедий.
32:25 См.: 🔗Пс. 33:11	Веруяй закону внимает заповедем, и уповаяй на Господа не умалится.