Псалтирь, псалом 75

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Псаломъ 75
75:1	В конец, в песнех, псалом Асафу, песнь ко Ассирианину.
75:2	Ведом во Иудеи Бог: во Израили велие имя Его.
75:3 См.: 🔗1Езд. 1:3	И бысть в Мире место Его, и жилище Его в Сионе.
75:4 См.: 🔗Пс. 45:10 🔗Ис. 9:4	Тамо сокруши крепости луков, оружие и мечь и брань.
75:5	Просвещаеши ты дивно от гор вечных.
75:6	Смятошася вси неразумнии сердцем: уснуша сном своим, и ничтоже обретоша вси мужие богатства в руках своих.
75:7 См.: 🔗Суд. 5:22	От запрещения Твоего, Боже Иаковль, воздремаша вседшии на кони.
75:8	Ты страшен еси, и кто противостанет Тебе? Оттоле гнев Твой.
75:9 См.: 🔗Отк. 6:17	С небесе слышан сотворил еси суд: земля убояся и умолча,
75:10	внегда востати на суд Богу, спасти вся кроткия земли.
75:11 См.: 🔗Иез. 28:22	Яко помышление человеческое исповестся Тебе, и останок помышления празднует Ти.
75:12 См.: 🔗Пс. 60:9	Помолитеся и воздадите Господеви Богу нашему: вси, иже окрест Его, принесут дары
75:13 См.: 🔗1Цар. 14:15 🔗Отк. 19:15	Страшному и отемлющему духи князей, страшному паче царей земных.