Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 31 | |
31:1 | И рече Господь к Моисею, глаголя: |
31:2 См.: 🔗Исх. 35:30 | се, нарекох именем Веселеила сына Урии, сына Орова, от племене Иудина, |
31:3 См.: 🔗3Цар. 7:14 | и наполних его Духом Божиим премудрости и смышления и ведения, во всяком деле разумети |
31:4 | и архитектонствовати, делати злато и сребро и медь, и синету и багряницу, и червленицу прядену и виссон сканый, |
31:5 | и каменное дело, и различная древоделства делати во всех делех: |
31:6 См.: 🔗Исх. 35:34 | и Аз дах его и Елиава сына Ахисамахова от племене Данова, и всякому смысленному сердцем дах смысл, и потрудятся, и сотворят вся, елика заповедах тебе: |
31:7 См.: 🔗Исх. 35:11 | скинию свидения и кивот завета, и очистилище еже верху его, и утварь скинии, |
31:8 | и жертвенники, и трапезу и вся сосуды ея, и светилник чистый и вся сосуды его, |
31:9 | и умывалницу и стояло ея, |
31:10 | и ризы служебныя Аароновы и ризы сынов его, еже священнодействовати Мне, |
31:11 | и елей помазания, и фимиам сложения святаго: по всем, елика заповедах тебе, сотворят. |
31:12 | И рече Господь к Моисею, глаголя: |
31:13 См.: 🔗Исх. 20:8 🔗Иез. 20:12 | и ты заповеждь сыном Израилевым, глаголя: смотрите и субботы Моя сохраните: есть бо знамение между Мною и вами в роды вашя, да увесте, яко Аз Господь освящаяй вас: |
31:14 См.: 🔗Чис. 15:35 🔗Быт. 17:14 | и сохраните субботу, яко свята сия есть Господу и вам: осквернивый ю смертию умрет: всяк, иже сотворит в ню дело, потребится душа та от среды людий своих: |
31:15 См.: 🔗Исх. 20:9 | шесть дний да сотвориши дела, в день же седмый суббота, покой свят Господу: всяк, иже сотворит дело в седмый день, смертию умрет: |
31:16 | и да сохранят сынове Израилевы субботы держати я в роды их: |
31:17 | завет вечен во Мне и в сынех Израилевых, знамение есть во мне вечное: яко в шести днех сотвори Господь небо и землю, в седмый же день преста, и почи. |
31:18 | И даде (Бог) Моисею, егда преста глаголя ему на горе Синайстей, две скрижали свидения, скрижали каменны написаны перстом Божиим. |