Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Псаломъ 78 | |
78:1 См.: 🔗Иер. 12:8 | Боже, приидоша языцы в достояние Твое, оскверниша храм святый Твой, |
78:2 См.: 🔗1Мак. 7:17 | положиша Иерусалим яко овощное хранилище: положиша трупия раб Твоих брашно птицам небесным, плоти преподобных Твоих зверем земным: |
78:3 См.: 🔗Иез. 24:7 | пролияша кровь их яко воду окрест Иерусалима, и не бе погребаяй. |
78:4 См.: 🔗Пс. 43:14 | Быхом поношение соседом нашым, подражнение и поругание сущым окрест нас. |
78:5 См.: 🔗Пс. 88:47 | Доколе, Господи, прогневаешися до конца? Разжжется яко огнь рвение Твое? |
78:6 См.: 🔗Иер. 10:25 | Пролий гнев Твой на языки незнающыя Тебе, и на царствия, яже имене Твоего не призваша: |
78:7 | яко поядоша Иакова, и место его опустошиша. |
78:8 См.: 🔗Ис. 64:9 | Не помяни наших беззаконий первых: скоро да предварят ны щедроты Твоя, Господи, яко обнищахом зело. |
78:9 | Помози нам, Боже, Спасителю наш, славы ради имене Твоего: Господи, избави ны и очести грехи нашя имене ради Твоего. |
78:10 См.: 🔗Пс. 41:4 🔗Иоил. 2:17 | Да не когда рекут языцы: где есть Бог их? И да увестся во языцех пред очима нашима отмщение крове раб Твоих пролитыя. |
78:11 См.: 🔗3Цар. 8:49 | Да внидет пред Тя воздыхание окованных: по величию мышцы Твоея снабди сыны умерщвленных. |
78:12 См.: 🔗Ис. 65:6 | Воздаждь соседом нашым седмерицею в недро их поношение их, имже поносиша Тя, Господи. |
78:13 См.: 🔗Пс. 99:3 | Мы же людие Твои и овцы пажити Твоея исповемыся Тебе, Боже, во век, в род и род возвестим хвалу Твою. |