Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 4 | |
4:1 См.: 🔗Зах. 1:9 | И обратися Ангел глаголяй во мне и возведе мя, якоже егда востанет человек от сна своего, |
4:2 См.: 🔗Исх. 25:31 | и рече ко мне: что ты видиши? И рех: видех, и се, свещник злат весь, и светилце верху его, и седмь светилник верху его, и седмь чашиц светилником верхним его, |
4:3 См.: 🔗Отк. 11:4 | и две маслины верху его, едина одесную светилца его и едина ошуюю. |
4:4 | И вопросих и рех ко Ангелу глаголющему во мне глаголя: что суть сия, господи? |
4:5 | И отвеща Ангел глаголяй во мне и рече ко мне глаголя: не разумееши ли, что суть сия? И рех: ни, господи. |
4:6 | И отвеща и рече ко мне глаголя: сие слово Господне к Зоровавелю глаголя: не в силе велицей, ни в крепости, но в Дусе Моем, глаголет Господь Вседержитель. |
4:7 | Что ты еси, горо великая, пред лицем Зоровавеля, еже исправити? И изнесу камень наследия, равенство благодати, благодать его. |
4:8 | И бысть слово Господне ко мне глаголя: |
4:9 См.: 🔗1Езд. 5:2 🔗Аг. 2:19 | руце Зоровавелевы основаша храм сей и руце его совершат его: и уразумееши, яко Господь Вседержитель посла Мя к вам: |
4:10 | зане кто укорил тя есть во дни малы? И возрадуются, и увидят камень, иже от чистаго олова, в руку Зоровавеля: седмь сия очеса Господня суть, призирающая на всю землю. |
4:11 См.: 🔗Отк. 11:4 | И отвещах и рех к нему: что суть две маслины сия, яже одесную свещника и ошуюю? |
4:12 | И вопросих вторицею и рех к нему: что суть две ветви масличны, яже в руку двух усекалниц златых возливающих и возношающих чашицы златыя? |
4:13 | И рече ко мне глаголя: не веси ли, что суть сия? И рех: ни, господи. |
4:14 | И рече: сии два сынове тучности, яже предстоят Господеви всея земли. |