Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 5 | |
5:1 | И посла Хирам царь Тирский отроки своя к Соломону: услыша бо, яко помазаша его на царство вместо Давида отца его, яко любяше Хирам Давида во вся дни. |
5:2 См.: 🔗2Пар. 2:3 | И посла Соломон к Хираму, глаголя: |
5:3 См.: 🔗1Пар. 28:3 | ты веси отца моего Давида, яко не возможе создати дому имени Господа Бога моего, от лица противных, окруживших его, дондеже даде я Господь под стопы ног его: |
5:4 См.: 🔗Сир. 47:15 | и ныне упокои Господь Бог мой мне окрест, несть наветника, ниже сопротивника лукаваго: |
5:5 | и се, аз глаголю создати дом имени Господа Бога моего, якоже глагола Господь Бог к Давиду отцу моему, глаголя: сын твой, егоже дам вместо тебе на престол твой, той созиждет дом имени Моему: |
5:6 См.: 🔗2Пар. 2:8 | и ныне заповеждь, да насекут ми древ от Ливана, и се, раби мои с рабы твоими, и мзду трудов твоих дам ти по всему елика речеши, понеже ты веси, яко несть нам ведущаго древа сещи, якоже Сидоняне. |
5:7 См.: 🔗3Цар. 10:9 🔗2Пар. 2:12 | И бысть егда услыша Хирам словеса Соломоня, возрадовася зело и рече: благословен Бог днесь, Иже даде Давиду сына разумна над людьми сими многими. |
5:8 См.: 🔗2Пар. 2:8 🔗2Цар. 5:11 | И посла Хирам к Соломону, глаголя: слышах о всех, ихже ради послал еси ко мне: аз сотворю все хотение твое о древах кедровых и певговых: |
5:9 | слуги мои изнесут я от Ливана к морю, и аз положу я в складения на место, идеже возвестиши мне, и довезу я тамо: и ты возмеши, и сотвориши хотение мое, еже дати хлебы дому моему. |
5:10 | И бе Хирам дая Соломону кедры и певги и всю волю его. |
5:11 См.: 🔗2Пар. 2:10 | И даде Соломон Хираму двадесять тысящ мер пшеницы, и пищу дому его, и двадесять тысящ мер елеа чистаго: по сему даваше Соломон Хираму на всяко лето. |
5:12 См.: 🔗3Цар. 3:12 | И Господь даде Соломону премудрость, якоже глагола ему. И бе мир между Хирамом и между Соломоном, и положиша завет между собою. |
5:13 | И взя царь дань от всего Израиля, и бе дань тридесять тысящ мужей. |
5:14 См.: 🔗3Цар. 4:6 🔗3Цар. 12:18 | И посла я в Ливан, десять тысящ на месяц в премену: месяц быша в Ливане и два месяца в дому своем: и бяше Адонирам над данию. |
5:15 См.: 🔗1Пар. 22:2 🔗2Пар. 2:18 | И бяше Соломону седмьдесят тысящ носящих бремена и осмьдесят тысящ секущих камение в горе, |
5:16 См.: 🔗2Пар. 2:18 | кроме старейшин приставленых над делами Соломоними, три тысящы и шесть сот приставник делающих дела. |
5:17 См.: 🔗3Цар. 7:9 | И заповеда царь, и взяша камение великое, камение честное на основание храма, и камение нетесаное. |
5:18 | И истесаша сынове Соломони и сынове Хирамли и каменосечцы Гевалстии: и изготовиша камения и древа в три лета. |