Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 18 | |
18:1 См.: 🔗Исх. 10:22 | Преподобным же Твоим превелик бе свет: ихже убо глас слышаше, образа же не видяще, занеже убо и они (тогожде) не страдаху, ублажаху. |
18:2 | А яко не пакоствуют предобидимии, благодаряху, и еже пронестися, благодати моляху. |
18:3 См.: 🔗Исх. 13:21 | Сих ради столп огнегорящь, вожда убо неведомаго путьшествия, солнце же невредителное любочестнаго странствования подал еси. |
18:4 | Достойни бо они лишитися света и блюстися во тме, иже заключеных стрежаху сынов Твоих, имиже имяше нетленный закона свет веку датися. |
18:5 См.: 🔗Исх. 12:29 | Советовавших же их убивати младенцы преподобных, и единому отложену чаду и спасену, во обличение их отял еси множество чад, и купно погубил еси в воде зелней. |
18:6 См.: 🔗Исх. 11:4 | Оная бо нощь предуведена бысть отцем нашым, да твердо ведуще, имже клятвам вероваша, возблагодушествуют. |
18:7 | Восприято же бысть от людий Твоих спасение убо праведных, врагов же истребление: |
18:8 | имже бо наказал еси супостаты нашя, сим нас призвав прославил еси. |
18:9 | Сокровенно бо жряху преподобнии отроцы благих, и закон божественный единомыслием завещаша, таяжде подобно, благая же и бедственная восприимати святым, отцем уже предвоспевающым хвалу. |
18:10 См.: 🔗Исх. 12:30 | Противогласяше же несогласный врагов вопль, и плачевный слышашеся глас плачущих младенцев. |
18:11 См.: 🔗Исх. 12:29 | Подобною же местию раб купно с господином казнен бысть, и простый человек с царем таяжде пострада: |
18:12 См.: 🔗Исх. 12:30 | единодушно же вси во единем имени смертнем мертвых имеяху безчисленных: ниже бо ко погребению живии бяху доволни, понеже во единем мгновении честнейший род их истреблен бысть. |
18:13 См.: 🔗Исх. 7:11 🔗Исх. 12:31 | О всех бо не верующе ради чародеяний, а ради первенцев истребления, исповедаша людий сынов Божиих быти. |
18:14 | Тихому бо молчанию содержащу вся, и нощи во своем течении преполовляющейся, |
18:15 См.: 🔗Исх. 12:29 | всемогущее слово Твое, (Господи,) с небес от престолов царских жесток ратник в средину погибельныя земли сниде. |
18:16 | Мечь остр нелицемерное повеление Твое носяй, и став исполни вся смерти: и небесе убо касашеся, стояше же на земли. |
18:17 | Тогда внезапу привидения убо снов люте смутиша их, страси же наидоша нечаянни, |
18:18 | и ин инамо вержен еле жив, еяже ради вины умираше, объявляше: |
18:19 | сония бо, смутивше их, сие предвозвестиша: да не ведяще, егоже ради зле страждут, погибнут. |
18:20 См.: 🔗Чис. 16:46 | Прикоснуся же некогда и праведных искушение смерти, поражение во пустыни бысть множества: но не долго пребысть гнев. |
18:21 См.: 🔗Чис. 16:45 | Потщався бо муж непорочен предпоборствова, своея службы оружие, молитву и фимиама умилостивление принес, сопротив ста гневу и конец положи бедствованию, показав, яко Твой есть раб. |
18:22 См.: 🔗Пс. 105:23 | Одоле же поражающаго не силою телесною, ниже оружия действием, но словом покори наказующаго, клятвы отцев и заветы воспомянув. |
18:23 | Громадами бо уже падшым друг на друга мертвым, посреде став, пресече гнев и раздели к живым путь. |
18:24 См.: 🔗Исх. 28:21 | На одежди бо подира бе весь мир, и отцев славы на изваянии четырерядоваго камения, и величество Твое на диадиме главы его. |
18:25 | Сим уступил искореняяй и сих устрашися: бе бо токмо искушение гнева доволно. |