Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 3 | |
3:1 См.: 🔗Втор. 17:18 | И речет: слышите убо сия, власти дому Иаковля и оставшии дому Израилева: не вам ли есть еже разумети суд? |
3:2 См.: 🔗Иез. 22:25 | Ненавидящии добра, а ищущии зла, похищающии кожы их с них и плоти их от костей их: |
3:3 | якоже объядоша плоти людий Моих, и кожы их от костей их одраша, и кости их столкоша и содробиша яко плоти в коноб и яко мяса в горнец: |
3:4 | тако возопиют ко Господу, и не послушает их и отвратит лице Свое от них в то время, понеже слукавноваша в начинаниих своих на Ня. |
3:5 | Сия глаголет Господь на пророки льстящыя людий Моих, угрызающыя зубы своими и проповедающыя мир на них, и не вдася во уста их, возставиша на них рать: |
3:6 См.: 🔗Ам. 8:9 | сего ради нощь будет вам от видения, и тма будет вам от волхвования, и зайдет солнце на пророки, и померкнет на ня день: |
3:7 См.: 🔗1Цар. 9:9 | и усрамятся видящии сония, и посмеяни будут волсви, и возглаголют на них вси сии, зане не будет послушаяй их. |
3:8 См.: 🔗Иез. 3:8 | Аще аз не наполню силы Духом Господним и судом и силою, еже возвестити Иакову нечестия его и Израилеви грехи его. |
3:9 См.: 🔗Ис. 5:20 | Слышите сия, старейшины дому Иаковля и оставшии дому Израилева, гнушающиися судом и вся правая развращающии, |
3:10 См.: 🔗Иер. 22:13 | созидающии Сиона кровьми и Иерусалима неправдами: |
3:11 См.: 🔗Иер. 22:26 | старейшины его на дарех суждаху, и жерцы его на мзде отвещаваху, и пророцы его на сребре волхвоваху, и на Господе почиваху, глаголюще: не Господь ли в нас есть? Не приидут на ны злая. |
3:12 См.: 🔗Иер. 26:18 | Сего ради вас дела Сион якоже нива изорется, и Иерусалим яко овощное хранилище будет, и гора дому якоже луг дубравный. |