Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 8 | |
8:1 См.: 🔗3Цар. 9:10 | И бысть по двадесяти летех, в нихже созда Соломон дом Господень и дом свой, |
8:2 См.: 🔗3Цар. 9:11 | и грады яже даде Хирам Соломону, созда оны Соломон и всели ту сыны Израилевы. |
8:3 См.: 🔗Чис. 13:22 | И прииде Соломон во Емаф – Сува и одержа его. |
8:4 | И созда Федмор в пустыни и вся грады крепкия, яже созда во Емафе. |
8:5 См.: 🔗3Цар. 9:17 | Сострои же Вефорон вышний и Вефорон нижний, грады укреплены стенами, вратами и вереями: |
8:6 См.: 🔗3Цар. 9:18 | и Валааф, и вся грады крепкия, иже быша Соломону, и вся грады колесниц и грады конник, и елика восхоте Соломон по желанию создати бо Иерусалиме и в Ливане и во всем царстве своем. |
8:7 См.: 🔗3Цар. 9:20 | Весь народ оставшийся от Хеттеа и Аморреа, и Ферезеа и Евеа и Иевусеа, иже не бяху от племене Израилева, |
8:8 | но беша от сынов их оставшихся по них на земли, ихже не избиша сынове Израилевы, подведе их Соломон в дань даже до дне сего. |
8:9 | От сынов же Израилевых не даде Соломон в рабы царству своему: тии бо бяху мужие ратницы и князи, и сильнии и началницы колесниц и конник его. |
8:10 См.: 🔗3Цар. 9:23 | И сии началницы предстоящих царю Соломону, двести пятьдесят приставницы над делы людскими. |
8:11 См.: 🔗3Цар. 9:24 | Дщерь же Фараоню преведе Соломон от града Давидова в дом, егоже созда ей, рече бо: да не обитает жена моя в дому Давида царя Израилева, понеже освящен есть, аможе вниде кивот Господень. |
8:12 | Тогда вознесе Соломон всесожжения Господеви на олтарь, егоже созда Господеви пред храмом, |
8:13 | по словеси от дне до дне возносити, по повелению Моисееву, в субботы и в новомесячия и в праздники, трижды в год, в праздник опресноков и в праздник седмиц и в праздник кущей. |
8:14 См.: 🔗1Пар. 24:1 🔗1Пар. 27:1 | И постави по разсуждению Давида отца своего разделения священником и по служением их: и левиты над стражами их, да хвалят и служат пред священники по чину единаго коегождо дний: и дверницы по разделением их, по вратом и вратом: тако бо повеле Давид человек Божий. |
8:15 | Не преступиша заповедий царевых о священницех и левитех по всякому словеси, и в сокровищих. |
8:16 | И уготовася всяко делание от дне, в оньже основа, до дне, в оньже соверши Соломон дом Господень. |
8:17 См.: 🔗3Цар. 9:26 | Тогда иде Соломон в Гасионъгавер и во Елаф, иже при мори в земли Идумейстей. |
8:18 | И посла Хирам рукою слуг своих корабли и рабы знающыя морския проходы, и хождаху с рабы Соломоними в Софир, и взяша оттуду четыреста и пятьдесят талант злата и принесоша ко царю Соломону. |