Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 12 | |
12:1 | Отвещав же Иов, рече: |
12:2 | убо вы ли едини есте человецы, или с вами скончается премудрость? |
12:3 | И у мене сердце есть якоже и у вас. |
12:4 См.: 🔗Иов. 17:6 🔗Прем. 5:3 | Праведен бо муж и непорочен бысть в поругание: |
12:5 | во время бо определеное уготован бысть пасти от иных, домы же его опустошены быти беззаконными. Обаче никтоже да уповает, лукав сый, неповинен быти, |
12:6 | елицы разгневляют Господа, аки и истязания им не будет. |
12:7 | Но вопроси четвероногих, аще ти рекут, и птиц небесных, аще ти возвестят: |
12:8 | повеждь земли, аще ти скажет, и исповедят ти рыбы морския. |
12:9 См.: 🔗Прит. 16:4 🔗Ам. 3:6 | Кто убо не разуме во всех сих, яко рука Господня сотвори сия? |
12:10 См.: 🔗Деян. 17:28 | Не в руце ли Его душа всех живущих и дух всякаго человека? |
12:11 См.: 🔗Иов. 34:3 | Ухо бо словеса разсуждает, гортань же брашна вкушает. |
12:12 См.: 🔗Иов. 15:10 | Во мнозем времени премудрость, во мнозе же житии ведение. |
12:13 См.: 🔗Прем. 7:25 | У Него премудрость и сила, у Того совет и разум. |
12:14 См.: 🔗Ис. 22:22 🔗Отк. 3:7 | Аще низложит, кто созиждет? Аще затворит от человеков, кто отверзет? |
12:15 См.: 🔗Быт. 7:11 | Аще возбранит воду, изсушит землю: аще же пустит, погубит ю превратив. |
12:16 | У Него держава и крепость, у Того ведение и разум. |
12:17 См.: 🔗Ис. 29:14 | Проводяй советники пленены, судии же земли ужаси: |
12:18 | посаждаяй цари на престолех и обвязуяй поясом чресла их: |
12:19 | отпущаяй жерцы пленники, сильных же земли низврати: |
12:20 См.: 🔗2Фес. 2:11 | изменяяй устне верных, разум же старцев уразуме: |
12:21 См.: 🔗Ис. 28:15 | изливаяй безчестие на князи, смиренныя же изцели: |
12:22 | открываяй глубокая от тмы, изведе же на свет сень смертную: |
12:23 | прельщаяй языки и погубляяй их, низлагаяй языки и наставляяй их: |
12:24 См.: 🔗Пс. 75:13 | изменяяй сердца князей земных, прельсти же их на пути, егоже не ведяху, |
12:25 См.: 🔗Ис. 29:9 🔗Ис. 59:10 | да осяжут тму, а не свет, да заблудят же яко пияный. |