Первое Соборное послание апостола Иоанна Богослова, глава 2

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 2
2:1 См.: 🔗Рим. 8:34 🔗1Тим. 2:5	Чадца моя, сия пишу вам, да не согрешаете: и аще кто согрешит, ходатая имамы ко Отцу, Иисуса Христа праведника:
2:2 См.: 🔗Деян. 5:31 🔗1Ин. 1:9 🔗1Ин. 4:10 🔗Евр. 2:10	и Той очищение есть о гресех наших, не о наших же точию, но и о всего мира.
2:3	И о сем разумеем, яко познахом Его, аще заповеди Его соблюдаем.
2:4	Глаголяй, яко познах Его, и заповеди Его не соблюдает, ложь есть, и в сем истины несть:
2:5	а иже аще соблюдает слово Его, поистинне в сем любы Божия совершенна есть: о сем разумеем, яко в Нем есмы.
2:6 См.: 🔗Ин. 13:15	Глаголяй, в Нем пребывати, должен есть, якоже Он ходил есть, и сей такожде да ходит.
2:7 См.: 🔗Ин. 13:34	Возлюбленнии, не заповедь нову пишу вам, но заповедь ветху, юже иместе исперва. Заповедь ветха есть слово, еже слышасте исперва.
2:8 См.: 🔗Ин. 1:9 🔗Рим. 13:12	Паки заповедь нову пишу вам, еже есть поистинне в Нем и в вас: яко тма мимоходит и свет истинный сей уже сияет.
2:9 См.: 🔗1Кор. 13:2	Глаголяй себе во свете быти, а брата своего ненавидяй, во тме есть доселе.
2:10	Любяй брата своего во свете пребывает, и соблазна в нем несть.
2:11 См.: 🔗Ин. 12:35	А ненавидяй брата своего во тме есть, и во тме ходит, и не весть, камо идет, яко тма ослепи очи ему.
2:12 См.: 🔗Деян. 4:12 🔗Деян. 10:43	Пишу вам, чадца, яко оставляются вам греси имене Его ради.
2:13 См.: 🔗Лк. 10:18	Пишу вам, отцы, яко познасте Безначалнаго. Пишу вам, юноши, яко победисте лукаваго. Пишу вам, дети, яко познасте Отца.
2:14 См.: 🔗Еф. 6:10	Писах вам, отцы, яко познасте Исконнаго: писах вам, юноши, яко крепцы есте, и слово Божие в вас пребывает, и победисте лукаваго.
2:15 См.: 🔗Мф. 6:24	Не любите мира, ни яже в мире: аще кто любит мир, несть любве Отчи в нем:
2:16	яко все, еже в мире, похоть плотская и похоть очима и гордость житейская, несть от Отца, но от мира сего есть.
2:17 См.: 🔗Ис. 40:6 🔗1Кор. 7:31	И мир преходит, и похоть его, а творяй волю Божию пребывает во веки.
2:18 См.: 🔗Лк. 21:8	Дети, последняя година есть. И якоже слышасте, яко антихрист грядет, и ныне антихристи мнози быша, от сего разумеваем, яко последний час есть.
2:19 См.: 🔗Деян. 20:30	От нас изыдоша, но не беша от нас: аще бы от нас были, пребыли убо быша с нами: но да явятся, яко не суть вси от нас.
2:20 См.: 🔗Мф. 11:25 🔗2Кор. 1:21	И вы помазание имате от Святаго, и весте вся.
2:21	Не писах вам, яко не весте истины, но яко весте ю и яко всяка лжа от истины несть.
2:22	Кто есть лживый, точию отметаяйся, яко Иисус несть Христос? Сей есть антихрист, отметаяйся Отца и Сына.
2:23 См.: 🔗Мк. 8:38 🔗Ин. 8:19	Всяк отметаяйся Сына, ни Отца имать: а исповедаяй Сына, и Отца имать.
2:24	Вы убо еже слышасте исперва, в вас да пребывает: (и) аще в вас пребудет, еже исперва слышасте, и вы в Сыне и Отце пребудете.
2:25	И сие есть обетование, еже Сам обеща нам, живот вечный.
2:26	Сия писах вам о льстящих вас.
2:27 См.: 🔗Ин. 14:26 🔗1Ин. 2:20	И вы еже помазание приясте от Него, в вас пребывает, и не требуете, да кто учит вы: но яко то само помазание учит вы о всем, и истинно есть, и несть ложно: и якоже научи вас, пребывайте в нем.
2:28	И ныне, чадца, пребывайте в Нем, да егда явится, имамы дерзновение и не посрамимся от Него в пришествии Его.
2:29	Аще весте, яко праведник есть, разумейте, яко всяк творяй правду от Него родися.