Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Псаломъ 117 | |
117:1 См.: 🔗Пс. 135:1 | Исповедайтеся Господеви, яко благ, яко в век милость Его. |
117:2 | Да речет убо дом Израилев: яко благ, яко в век милость Его. |
117:3 | Да речет убо дом Ааронь: яко благ, яко в век милость Его. |
117:4 | Да рекут убо вси боящиися Господа: яко благ, яко в век милость Его. |
117:5 См.: 🔗Ис. 26:16 | От скорби призвах Господа, и услыша мя в пространство. |
117:6 | Господь мне помощник, и не убоюся: что сотворит мне человек? |
117:7 См.: 🔗Евр. 13:6 | Господь мне помощник, и аз воззрю на враги моя. |
117:8 | Благо есть надеятися на Господа, нежели надеятися на человека: |
117:9 | благо есть уповати на Господа, нежели уповати на князи. |
117:10 | Вси языцы обыдоша мя, и именем Господним противляхся им: |
117:11 См.: 🔗1Цар. 17:45 | обышедше обыдоша мя, и именем Господним противляхся им: |
117:12 См.: 🔗Втор. 1:44 🔗Ис. 7:18 | обыдоша мя яко пчелы сот, и разгорешася яко огнь в тернии: и именем Господним противляхся им. |
117:13 | Отриновен превратихся пасти, и Господь прият мя. |
117:14 См.: 🔗Исх. 15:2 🔗Ис. 12:2 | Крепость моя и пение мое Господь, и бысть ми во спасение. |
117:15 | Глас радости и спасения в селениих праведных: десница Господня сотвори силу. |
117:16 | Десница Господня вознесе мя, десница Господня сотвори силу. |
117:17 См.: 🔗Ис. 53:11 🔗Рим. 6:9 | Не умру, но жив буду и повем дела Господня. |
117:18 См.: 🔗Иез. 18:21 | Наказуя наказа мя Господь, смерти же не предаде мя. |
117:19 См.: 🔗Ис. 26:2 🔗Евр. 9:24 | Отверзите мне врата правды: вшед в ня, исповемся Господеви. |
117:20 | Сия врата Господня: праведнии внидут в ня. |
117:21 | Исповемся Тебе, яко услышал мя еси и был еси мне во спасение. |
117:22 | Камень, егоже небрегоша зиждущии, сей бысть во главу угла: |
117:23 | от Господа бысть сей, и есть дивен во очесех наших. |
117:24 | Сей день, егоже сотвори Господь, возрадуемся и возвеселимся в онь. |
117:25 | О, Господи, спаси же: о, Господи, поспеши же. |
117:26 | Благословен грядый во имя Господне: благословихом вы из дому Господня. |
117:27 | Бог Господь, и явися нам: составите праздник во учащающих до рог олтаревых. |
117:28 | Бог мой еси Ты, и исповемся Тебе: Бог мой еси Ты, и вознесу Тя: исповемся Тебе, яко услышал мя еси и был еси мне во спасение. |
117:29 См.: 🔗Пс. 135:1 | Исповедайтеся Господеви, яко благ, яко в век милость Его. |