Псалтирь, псалом 45

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Псаломъ 45
45:1 См.: 🔗Пс. 41:1	В конец, о сынех Кореовых, о тайных, псалом.
45:2 См.: 🔗Пс. 17:3 🔗Прит. 18:11 🔗Авв. 3:19	Бог нам прибежище и сила, помощник в скорбех обретших ны зело.
45:3	Сего ради не убоимся, внегда смущается земля, и прелагаются горы в сердца морская.
45:4	Возшумеша и смятошася воды их, смятошася горы крепостию его.
45:5	Речная устремления веселят град Божий: освятил есть селение свое Вышний.
45:6 См.: 🔗Ис. 33:20 🔗Иез. 48:35 🔗Зах. 2:5	Бог посреде его, и не подвижится: поможет ему Бог утро заутра.
45:7	Смятошася языцы, уклонишася царствия: даде глас Свой Вышний, подвижеся земля.
45:8 См.: 🔗Рим. 8:31	Господь сил с нами, заступник наш Бог Иаковль.
45:9 См.: 🔗Пс. 65:5	Приидите и видите дела Божия, яже положи чудеса на земли:
45:10 См.: 🔗Пс. 75:4 🔗Ос. 2:18	отемля брани до конец земли, лук сокрушит и сломит оружие, и щиты сожжет огнем.
45:11 См.: 🔗Ис. 64:2	Упразднитеся и разумейте, яко Аз есмь Бог: вознесуся во языцех, вознесуся на земли.
45:12 См.: 🔗Рим. 8:31	Господь сил с нами, заступник наш Бог Иаковль.