Псалтирь, псалом 46

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Псаломъ 46
46:1	В конец, о сынех Кореовых, псалом.
46:2	Вси языцы, восплещите руками, воскликните Богу гласом радования:
46:3 См.: 🔗Зах. 14:9 🔗Мал. 1:14 🔗Отк. 19:15	яко Господь Вышний страшен, Царь велий по всей земли:
46:4	покори люди нам и языки под ноги наша:
46:5	избра нам достояния свое, доброту Иаковлю, юже возлюби.
46:6 См.: 🔗Пс. 67:19 🔗Деян. 1:9 🔗Еф. 4:10	Взыде Бог в воскликновении, Господь во гласе трубне.
46:7 См.: 🔗Ис. 12:5	Пойте Богу нашему, пойте: пойте Цареви нашему, пойте.
46:8	Яко Царь всея земли Бог, пойте разумно.
46:9 См.: 🔗Пс. 21:29 🔗Пс. 79:2 🔗Евр. 8:1	Воцарися Бог над языки: Бог седит на престоле святем Своем.
46:10	Князи людстии собрашася с Богом Авраамлим: яко Божии державнии земли зело вознесошася.