Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 7 | |
7:1 | Рече же архиерей: аще убо сия тако суть? |
7:2 | Он же рече: мужие братие и отцы, послушайте. Бог славы явися отцу нашему Аврааму сущу в Месопотамии, прежде даже не вселитися ему в Харрань, |
7:3 См.: 🔗Быт. 12:1 🔗Неем. 9:7 | и рече к нему: изыди от земли твоея и от рода твоего и от дому отца твоего, и прииди в землю, юже аще ти покажу. |
7:4 | Тогда изшед от земли Халдейския, вселися в Харрань: и оттуду, по умертвии отца его, пресели его в землю сию, на нейже вы ныне живете, |
7:5 | и не даде ему наследия в ней, ниже стопы ногу: и обеща дати ему ю во одержание и семени его по нем, не сущу ему чаду. |
7:6 | Глагола же сице Бог, яко будет семя его пришелцы в земли чуждей, и поработят е и озлобят лет четыреста. |
7:7 | И языку, емуже поработают, сужду Аз, рече Бог: и по сих изыдут и послужат Ми на месте сем. |
7:8 | И даде ему завет обрезания. И тако роди Исаака и обреза его в день осмый: и Исаак Иакова, и Иаков дванадесять патриарх. |
7:9 См.: 🔗Быт. 37:28 🔗Пс. 104:17 | И патриарси позавидевше Иосифу продаша его во Египет: и бе Бог с ним, |
7:10 См.: 🔗Быт. 41:38 | и изят его от всех скорбей его, и даде ему благодать и премудрость пред фараоном царем Египетским: и постави его началника над Египтом и над всем домом своим. |
7:11 | Прииде же глад на всю землю Египетскую и Ханааню и скорбь велия, и не обретаху сытости отцы наши. |
7:12 См.: 🔗Быт. 42:1 | Слышав же Иаков сущую пшеницу во Египте, посла отцы нашя первее, |
7:13 См.: 🔗Быт. 45:4 | и внегда второе (приидоша), познан бысть Иосиф братии своей, и яве бысть фараону род Иосифов. |
7:14 См.: 🔗Быт. 46:27 | Послав же Иосиф призва отца своего Иакова и все сродство свое, седмьдесят и пять душ. |
7:15 См.: 🔗Быт. 46:5 🔗Быт. 49:33 | Сниде же Иаков во Египет, и скончася сам и отцы наши: |
7:16 | и принесени быша в Сихем и положени быша во гробе, егоже купи Авраам ценою сребра от сынов Еммора Сихемова. |
7:17 См.: 🔗Исх. 1:7 🔗Пс. 104:24 | И якоже приближашеся время обетования, имже клятся Бог Аврааму, возрастоша людие и умножишася во Египте, |
7:18 | дондеже наста царь ин (во Египте), иже не знаше Иосифа: |
7:19 | сей зле умыслив о роде нашем, озлоби отцы нашя, уморити младенцы их и не оживити. |
7:20 См.: 🔗Исх. 2:2 🔗Евр. 11:23 | В неже время родися Моисей и бе угоден Богови, иже питан бысть месяцы три в дому отца своего: |
7:21 См.: 🔗Исх. 2:5 | извержена же его взят его дщи фараонова и воспита и себе в сына: |
7:22 | и наказан бысть Моисей всей премудрости Египетстей, бе же силен в словесех и делех. |
7:23 | Егда же исполняшеся ему лет четыредесятих время, взыде на сердце ему посетити братию свою сыны Израилевы: |
7:24 См.: 🔗Исх. 2:12 | и видев некоего обидима, пособствова и сотвори отмщение обидимому, убив Египтянина. |
7:25 | Мняше же разумети братиям своим, яко Бог рукою его даст им спасение: они же не разумеша. |
7:26 См.: 🔗Исх. 2:13 | Во утрий же день явися им тяжущымся и привлачаше их в примирение, рек: мужие, братия есте вы, вскую обидите друг друга? |
7:27 | Обидяй же ближняго отрину его, рек: кто тя постави князя и судию над нами? |
7:28 | Еда убити мя ты хощеши, имже образом убил еси вчера Египтянина? |
7:29 | Бежа же Моисей о словеси сем и бысть пришлец в земли Мадиамстей, идеже роди сына два. |
7:30 См.: 🔗Исх. 3:2 | И исполньшымся летом четыредесятим, явися ему в пустыни горы Синайския Ангел Господень в пламени огнене в купине: |
7:31 | Моисей же видев дивляшеся видению: приступающу же ему разумети, бысть глас Господень к нему: |
7:32 | Аз Бог отец твоих, Бог Авраамов и Бог Исааков и Бог Иаковль. Трепетен же быв Моисей не смеяше смотрити. |
7:33 | Рече же ему Господь: изуй сапоги ногу твоею, место бо, на немже стоиши, земля свята есть: |
7:34 | видя видех озлобление людий Моих, иже во Египте, и стенание их услышах, и снидох изяти их: и ныне гряди, послю тя во Египет. |
7:35 См.: 🔗Исх. 3:10 | Сего Моисеа, егоже отринуша, рекше: кто тя постави началника и судию? Сего Бог князя и избавителя посла рукою Ангела явльшагося ему в купине: |
7:36 | сей изведе их, сотворь чудеса и знамения в земли Египетстей и в Чермнем мори, и в пустыни лет четыредесять. |
7:37 См.: 🔗Втор. 18:15 🔗Деян. 3:22 | Сей есть Моисей рекий сыном Израилевым: Пророка вам воздвигнет Господь Бог ваш от братии вашея яко мене: Того послушайте. |
7:38 См.: 🔗Исх. 19:3 🔗Гал. 3:19 | Сей есть бывый в церкви в пустыни со Ангелом, глаголавшим ему на горе Синайстей, и со отцы нашими, иже прият словеса жива дати нам, |
7:39 | егоже не восхотеша послушати отцы наши, но отринуша и и обратишася сердцем своим во Египет, |
7:40 См.: 🔗Исх. 32:1 | рекше Аарону: сотвори нам боги, иже предидут пред нами, Моисею бо сему, иже изведе нас от земли Египетския, не вемы, что бысть ему. |
7:41 | И сотвориша телца во дни оны, и принесоша жертву идолу, и веселяхуся в делех руку своею. |
7:42 См.: 🔗Втор. 4:19 🔗Иер. 19:13 | Отвратися же Бог и предаде их служити воем небесным, якоже писано есть в книзе пророк: еда заколения и жертвы принесосте Ми лет четыредесять в пустыни, доме Израилев? |
7:43 См.: 🔗Ам. 5:25 | И восприясте скинию Молохову и звезду бога вашего Ремфана, образы, яже сотвористе покланятися им: и преселю вы далее Вавилона. |
7:44 См.: 🔗Исх. 25:40 🔗Евр. 8:5 | Сень свидения бяше отцем нашым в пустыни, якоже повеле Глаголяй Моисеови сотворити ю по образу, егоже виде: |
7:45 См.: 🔗Нав. 3:14 | юже и внесоша приемше отцы наши со Иисусом во одержание языков, ихже изрину Бог от лица отец наших, даже до дний Давида: |
7:46 См.: 🔗2Цар. 7:2 🔗Пс. 131:5 | иже обрете благодать пред Богом и испроси обрести селение Богу Иаковлю. |
7:47 См.: 🔗3Цар. 6:1 | Соломон же созда Ему храм. |
7:48 См.: 🔗3Цар. 8:27 🔗Деян. 17:24 | Но Вышний не в рукотворенных церквах живет, якоже пророк глаголет: |
7:49 | Небо Мне престол есть, земля же подножие ногама Моима: кий храм созиждете Ми, глаголет Господь, или кое место покоищу Моему? |
7:50 См.: 🔗Ис. 66:1 | Не рука ли Моя сотвори сия вся? |
7:51 | Жестоковыйнии и необрезаннии сердцы и ушесы, вы присно Духу Святому противитеся, якоже отцы ваши, тако и вы: |
7:52 См.: 🔗Мф. 23:34 🔗1Фес. 2:15 | кого от пророк не изгнаша отцы ваши? И убиша предвозвестившыя о пришествии Праведнаго, Егоже вы ныне предателе и убийцы бысте, |
7:53 См.: 🔗Втор. 33:2 🔗Гал. 3:19 | иже приясте закон устроением Ангелским и не сохранисте. |
7:54 | Слышаще же сия, распыхахуся сердцы своими и скрежетаху зубы нань. |
7:55 См.: 🔗Деян. 6:5 | Стефан же сый исполнь Духа Свята, воззрев на небо, виде славу Божию и Иисуса стояща о десную Бога, |
7:56 | и рече: се, вижу небеса отверста и Сына Человеча о десную стояща Бога. |
7:57 | Возопивше же гласом велиим, затыкаху ушы свои и устремишася единодушно нань, |
7:58 См.: 🔗Деян. 22:20 | и изведше вне града, камением побиваху его: и свидетелие (снемше) ризы своя положиша при ногу юноши нарицаемаго Савла, |
7:59 См.: 🔗Пс. 30:6 🔗Лк. 23:46 | и камением побиваху Стефана, молящася и глаголюща: Господи Иисусе, приими дух мой. |
7:60 | Преклонь же колена, возопи гласом велиим: Господи, не постави им греха сего. И сия рек успе. |