Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 3 | |
3:1 | И сия рождения Аарона и Моисеа, в день в оньже глагола Господь Моисею на горе Синайстей: |
3:2 См.: 🔗Исх. 6:23 🔗1Пар. 24:1 | и сия имена сынов Аароних: первенец Надав и Авиуд, и Елеазар и Ифамар: |
3:3 См.: 🔗Лев. 8:2 🔗Исх. 28:41 | сия имена сынов Аароних, жерцы помазаныя, имже совершишася руце их жрети: |
3:4 | и скончашася Надав и Авиуд пред Господем, приносящым им огнь чуждь пред Господем в пустыни Синайстей, и чад не бе им: и жречествоваху Елеазар и Ифамар со Аароном, отцем своим. |
3:5 | И рече Господь к Моисею, глаголя: |
3:6 См.: 🔗1Езд. 6:18 | поими племя Левиино, и поставиши я пред Аароном жерцем, и да служат ему: |
3:7 | и да стрегут стражбы его и стражбы сынов Израилевых пред скиниею свидения, делати дела скинии: |
3:8 См.: 🔗Лев. 8:35 | и да хранят вся сосуды скинии свидения и стражбы сынов Израилевых по всем делом скинии: |
3:9 См.: 🔗Чис. 8:19 | и да даси левиты Аарону брату твоему и сыном его жерцем: в дар даны сии Мне суть от сынов Израилевых: |
3:10 См.: 🔗Чис. 16:40 🔗Чис. 18:7 | и Аарона и сыны его поставиши над скиниею свидения, и да хранят жречество свое, и вся яже у олтаря и внутрь завесы: иноплеменник же прикасаяйся умрет. |
3:11 | И рече Господь к Моисею, глаголя: |
3:12 См.: 🔗Исх. 29:24 🔗Чис. 8:16 | и се, Аз взях левиты от среды сынов Израилевых, вместо всякаго первенца, отверзающаго ложесна от сынов Израилевых: искупления их будут, и да будут Мне левити: |
3:13 | Мне бо всяк первенец: в оньже день побих всякаго первенца в земли Египетстей, освятих Себе всякаго первенца во Израили, от человека до скота Мне да будут: Аз Господь. |
3:14 | И рече Господь к Моисею в пустыни Синайстей, глаголя: |
3:15 | соглядай сынов Левииных по домом отечеств их по сонмом их, по рождению их: всяк мужеск пол от месяца единаго и вышше да соглядаете их. |
3:16 | И сочте их Моисей и Аарон повелением Господним, якоже повеле им Господь. |
3:17 | И бяху сии сынове Левиины от имен их: Гирсон, Кааф и Мерари. |
3:18 | И сия имена сынов Гирсоних по сонмом их: Ловени и Семей. |
3:19 См.: 🔗Исх. 6:18 🔗Чис. 26:58 | И сынове Каафовы по сонмом их: Амрам и Иссаар, Хеврон и Озиил. |
3:20 | И сынове Мерарины по сонмом их: Мооли и Муси: сии суть сонми Левитстии по домом отечеств их. |
3:21 | От Гирсона сонм Ловениин и сонм Семеинь: сии суть сонми Гирсоновы. |
3:22 | Соглядание их по числу всего мужеска полу, от месяца единаго и вышше, соглядание их седмь тысящ и пять сот. |
3:23 | И сынове Гирсоновы за скиниею да ополчаются к морю. |
3:24 | И князь дому отечества сонма Гирсоня Елисаф сын Даиль. |
3:25 | И стражба сынов Гирсоновых в скинии свидения, скиния и покров ея, и покров дверий скинии свидения, |
3:26 | и опоны двора, и завеса дверий двора, иже есть у скинии, и прочая всех дел его. |
3:27 | От Каафа сонм Амрамль един и сонм Иссааров един, и сонм Хевронь един и сонм Озиил един: сии суть сонми Каафовы: |
3:28 | по числу всяк мужеск пол от месяца единаго и вышше осмь тысящ и шесть сот, стрегущии стражбы Святых. |
3:29 | Сонми сынов Каафовых да ополчаются от страны скинии к югу, |
3:30 См.: 🔗Исх. 6:22 🔗Лев. 10:4 | и князь дому отечеств сонмов Каафовых Елисафан сын Озиил: |
3:31 См.: 🔗Чис. 7:9 | и стражба их кивот и трапеза, и светилник и олтари, и сосуды святаго, в нихже служат, и покров, и вся дела их. |
3:32 | И князь над князи левитскими Елеазар сын Аарона жерца, поставлен стрещи стражбы святых. |
3:33 | От Мерара же сонм Мооли и сонм Муси: сии суть сонми Мерарины, |
3:34 | соглядание их по числу, всяк мужеск пол от месяца единаго и вышше, шесть тысящ и двести. |
3:35 | И князь дому отечеств сонма Мерарина Суриил сын Авихеов: от страны скинии да ополчаются к северу, |
3:36 | соглядание стражбы сынов Мерариных главицы скинии и вереи ея, и столпы ея и стояла ея, и вся сосуды их и вся дела их, |
3:37 | и столпы двора окрест и стояла их, и колки их и верви их. |
3:38 | Ополчающиися сопреди скинии свидения на востоки Моисей и Аарон и сынове его, стрегуще стражбы святаго, в стражбах сынов Израилевых: и иноплеменник прикасаяйся да умрет. |
3:39 | Все соглядание левитов, ихже согляда Моисей и Аарон повелением Господним по сонмом их, всяк мужеск пол от месяца единаго и вышше, двадесять и две тысящы. |
3:40 | И рече Господь к Моисею, глагола: соглядай всякаго первенца мужеска полу сынов Израилевых от месяца единаго и вышше, и возми число их по имени, |
3:41 | и да поймеши Мне левиты за вся первенцы сынов Израилевых: Аз Господь: и скоты левитски вместо всех первенцев в скотех сынов Израилевых. |
3:42 | И согляда Моисей, якоже заповеда ему Господь, всякаго первенца в сынех Израилевых. |
3:43 | И быша вси первенцы мужескаго полу, по числу имен от месяца единаго и вышше, от соглядания их двадесять две тысящы двести и седмьдесят три. |
3:44 | И рече Господь к Моисею, глаголя: |
3:45 | поими левиты вместо всех первенцев сынов Израилевых, и скоты левитски вместо скотов их, и будут Мне левиты: Аз Господь: |
3:46 | и искуп дву сот седмидесяти трех, иже преизбывают сверх левитов от первенцов сынов Израилевых: |
3:47 См.: 🔗Чис. 18:16 🔗Исх. 30:13 | и да возмеши по пяти сикль на главу, по сиклю святому возмеши двадесять пенязей сикль, |
3:48 | и даси сребро Аарону и сыном его искуп от преизбывающих в них. |
3:49 | И взя Моисей сребро искупное от преизбывающих в них на искуп левитом: |
3:50 | от первенец сынов Израилевых взя сребра тысящу три ста шестьдесят пять сиклев, по сиклю святому. |
3:51 | И даде Моисей окуп от преизбывших Аарону и сыном его, повелением Господним, якоже заповеда Господь Моисею. |