Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 24 | |
24:1 См.: 🔗Чис. 3:2 | И сыном Аароним разделения: сынове Аарони: Надав и Авиуд, и Елеазар и Ифамар. |
24:2 См.: 🔗Чис. 3:4 🔗Чис. 26:61 | И умроста Надав и Авиуд прежде отца своего, и сынове не быша има: и священствова Елеазар и Ифамар, сынове Аарони. |
24:3 | И раздели их Давид, и Садок от сынов Елеазаровых, Ахимелех же от сынов Ифамаровых по сочислению их, по служению их и по домом отечеств их. |
24:4 | И обретошася сынове Елеазаровы множайшии в началники сил, нежели сынове Ифамаровы: и раздели их сыном Елеазаровым в началники в домы отечеств шестьнадесять, и сыном Ифамаровым по домом отечеств их, осмь. |
24:5 См.: 🔗Лк. 1:5 | Раздели же их по жребием между ими, понеже бяху началницы святилища и началницы Божии в сынех Елеазаровых и в сынех Ифамаровых: |
24:6 См.: 🔗1Пар. 18:16 | описа же их Самаиа сын Нафанаиль писарь от левит пред царем и князи и Садоком священником и Ахимелехом сыном Авиафара, и началницы отечеств священников и левитов дому отечества, един ко Елеазару и един ко Ифамару. |
24:7 | И изыде жребий первый Иоариму, Иедию вторый, |
24:8 | Хариву третий, Сеориму четвертый, |
24:9 См.: 🔗Иер. 21:1 | Мелхию пятый, Меиамину шестый, |
24:10 | Аккосу седмый, Авии осмый, |
24:11 | Иисую девятый, Сехении десятый, |
24:12 | Елиасиву единонадесятый, Иакиму дванадесятый, |
24:13 | Оффаю тринадесятый, Иесваалу четыренадесятый, |
24:14 | Велгии пятыйнадесять, Еммиру шестыйнадесять, |
24:15 | Иефию седмыйнадесять, Афессию осмыйнадесять, |
24:16 | Феттию девятыйнадесять, и Езекиилю двадесятый, |
24:17 | Ахину двадесять первый, Гамуилу двадесять вторый, |
24:18 | Далеию двадесять третий, Иеилю двадесять четвертый. |
24:19 См.: 🔗2Пар. 31:2 🔗4Цар. 11:5 | Сие сочисление их по служению их входити в дом Господень по чину своему, рукою Аарона отца их, якоже повеле Господь Бог Израилев. |
24:20 | И сыном Левииным прочиим: сыном Амврамлим Соваил, сыном Соваилим Иадаиа, |
24:21 | сыном Равииным началник Иесиа, |
24:22 | сыном Иасарииным Саломоф, сыном Саломофовым Иаф: |
24:23 См.: 🔗1Пар. 23:19 | сынове Иедиуа: Иериав первый, Амадиа вторый, Иазиил третий, Иекмоам четвертый. |
24:24 | Сыном Озиилим Миха, сынове Михины Самир: |
24:25 | брат Михин Исиа, сын Исиин Захариа. |
24:26 | Сынове Мерарины: Мооли и Муси, сын Озиин Вонний: |
24:27 | сынове Мерарины Озиа: сынове его Иесома и Закхур и Иовфи: |
24:28 См.: 🔗1Пар. 23:22 | Моолию Елеазар (и Ифамар). Умре же Елеазар, не беша ему сынове. |
24:29 | Кису сын Кисов Иерамеил. |
24:30 См.: 🔗1Пар. 23:23 | Сынове Мусины: Мооли и Едер и Еримоф. Сии сынове левитстии по домом отечеств своих. |
24:31 См.: 🔗1Пар. 25:8 | Прияша же и тии жребия, якоже и братия их сынове Аарони, пред Давидом царем и Садоком и Ахимелехом и началники отечеств священнических и левитских: патриарси Аарони, якоже и братия его юнейшии. |