Псалтирь, псалом 5

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Псаломъ 5
5:1	О наследствующем, Псалом Давиду.
5:2 См.: 🔗Пс. 4:2 🔗Пс. 16:1	Глаголы моя внуши, Господи, разумей звание мое.
5:3 См.: 🔗Пс. 83:4	Вонми гласу моления моего, Царю мой и Боже мой: яко к Тебе помолюся, Господи.
5:4	Заутра услыши глас мой: заутра предстану Ти, и узриши мя:
5:5 См.: 🔗Втор. 32:4 🔗Прит. 3:32 🔗Ин. 9:31	яко Бог не хотяй беззакония Ты еси: не приселится к Тебе лукавнуяй,
5:6 См.: 🔗Гал. 5:21	ниже пребудут беззаконницы пред очима Твоима: возненавидел еси вся делающыя беззаконие,
5:7 См.: 🔗Пс. 54:24 🔗Ис. 1:15	погубиши вся глаголющыя лжу: мужа кровей и льстива гнушается Господь.
5:8	Аз же множеством милости Твоея вниду в дом Твой, поклонюся ко храму святому Твоему, в страсе Твоем.
5:9	Господи, настави мя правдою Твоею, враг моих ради исправи пред Тобою путь мой.
5:10 См.: 🔗Рим. 3:13	Яко несть во устех их истины, сердце их суетно, гроб отверст гортань их, языки своими льщаху.
5:11	Суди им, Боже, да отпадут от мыслей своих: по множеству нечестия их изрини я, яко преогорчиша Тя, Господи.
5:12	И да возвеселятся вси уповающии на Тя, во век возрадуются, и вселишися в них: и похвалятся о Тебе любящии имя Твое.
5:13	Яко Ты благословиши праведника, Господи, яко оружием благоволения венчал еси нас.