Книга пророка Исаии, глава 40

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 40
40:1 См.: 🔗Ис. 35:4 🔗Ис. 52:9 🔗Лк. 2:10	Утешайте, утешайте люди Моя, глаголет Бог:
40:2 См.: 🔗Иер. 16:18	священницы, глаголите в сердце Иерусалиму, утешайте и, яко наполнися смирение его, разрешися грех его, яко прият от руки Господни сугубы грехи своя.
40:3 См.: 🔗Мф. 3:3 🔗Мк. 1:3 🔗Лк. 3:4 🔗Ин. 1:23	Глас вопиющаго в пустыни: уготовайте путь Господень, правы сотворите стези Бога нашего:
40:4 См.: 🔗Лк. 18:14 🔗Ис. 42:16	всяка дебрь наполнится, и всяка гора и холм смирится, и будут вся стропотная в право, и острая в пути гладки.
40:5 См.: 🔗Деян. 11:14	И явится слава Господня, и узрит всяка плоть спасение Божие, яко Господь глагола.
40:6 См.: 🔗Иов. 14:2 🔗Пс. 102:15 🔗Сир. 14:18 🔗Иак. 1:10 🔗1Пет. 1:24	Глас вопиющаго: возопий. И рекох: что возопию? Всяка плоть сено, и всяка слава человеча яко цвет травный:
40:7	изсше трава, и цвет отпаде,
40:8 См.: 🔗Пс. 118:89 🔗Мф. 24:35 🔗1Пет. 1:25	глаголгол же Бога нашего пребывает во веки.
40:9	На гору высоку взыди, благовествуяй Сиону, возвыси крепостию глас твой, благовествуяй Иерусалиму: возвысите, не бойтеся. Рцы градом Иудиным:
40:10 См.: 🔗Ин. 1:27 🔗Ис. 62:11	се, Бог ваш, се, Господь, Господь со крепостию идет, и мышца Его со властию: се, мзда Его с Ним, и дело Его пред Ним:
40:11 См.: 🔗Иез. 34:23 🔗Ин. 10:11	аки пастырь упасет паству Свою, и мышцею Своею соберет агнцы, и имущыя во утробе утешит.
40:12 См.: 🔗Ис. 48:13	Кто измери горстию воду и небо пядию и всю землю горстию? Кто постави горы в мериле и холмы в весе?
40:13 См.: 🔗Прем. 9:13 🔗Сир. 1:6 🔗Рим. 11:34 🔗1Кор. 2:14	Кто уразуме ум Господень, и кто советник Ему бысть, иже научает Его?
40:14	Или с ким советова, и настави И? Или кто показа Ему суд? Или путь разумения кто показа Ему? Или кто прежде даде Ему, и воздастся Ему?
40:15 См.: 🔗Пс. 102:14 🔗Дан. 4:32 🔗Сир. 7:31	Аще вси языцы, аки капля от кади, и яко претяжение веса вменишася, и аки плюновение вменятся?
40:16	Дубрава же Ливанова не доволна на сожжение, и вся четвероногая не доволна на всесожжение.
40:17 См.: 🔗Пс. 38:6	И вси языцы яко ничтоже суть, и в ничтоже вменишася.
40:18 См.: 🔗Деян. 17:29	Кому уподобисте Господа, и коему подобию уподобисте Его?
40:19 См.: 🔗Ис. 44:12 🔗Прем. 13:11 🔗Прем. 15:9	Еда образ сотвори древоделатель, или златарь слияв злато позлати его, или подобием сотвори его?
40:20	Древо бо негниющее избирает древоделатель и мудре ищет, како поставит образ его, и да не поколеблется.
40:21	Не разуместе ли, не слышасте ли, не возвестися ли вам исперва? Не разуместе ли основания земли?
40:22 См.: 🔗Иер. 10:12	Содержай круг земли, и живущии на ней аки прузи: поставивый небо яко камару и простер е, яко скинию обитати:
40:23 См.: 🔗Иов. 12:21	даяй князи аки ничтоже владети, и землю аки ничтоже сотвори.
40:24	Не насадят бо, ниже насеют, и не вкоренится в земли корение их: дхну на них ветр, и изсхоша, и буря аки стеблие возмет их.
40:25 См.: 🔗Ис. 40:18	Ныне убо кому Мя уподобисте, и вознесуся? Рече Святый.
40:26 См.: 🔗Пс. 146:4	Воззрите на высоту очима вашима и видите, кто сотвори сия вся: носяй по числу утварь Свою, и вся по имени прозовет от многия славы и в державе крепости Своея: ничтоже утаися и Тебе.
40:27 См.: 🔗Иов. 34:5	Еда бо речеши, Иакове, и что глаголал еси, Израилю: утаися путь мой от Бога, и Бог мой суд отя, и отступи?
40:28 См.: 🔗Ис. 42:5 🔗Ис. 45:11	И ныне не уразумел ли еси ни ли слышал еси? Бог вечный, Бог устроивый концы земли, не взалчет, ниже утрудится, ниже есть изобретение премудрости Его,
40:29 См.: 🔗Ис. 33:24 🔗2Кор. 12:9 🔗Кол. 1:11	даяй алчущым крепость и неболезненным печаль.
40:30	Взалчут бо юнейшии, и утрудятся юноты, и избраннии не крепцы будут:
40:31 См.: 🔗Иов. 29:20 🔗Ис. 41:1	терпящии же Господа изменят крепость, окрылатеют аки орли, потекут и не утрудятся, пойдут и не взалчут.