Книга Притчей Соломоновых, глава 18

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 18
18:1	Вины ищет муж хотя отлучитися от другов, на всяко же время поносимь будет.
18:2	Не требует премудрости муж скудоумен, зане паче водится безумием.
18:3	Егда приидет нечестивый во глубину зол, нерадит: находит же ему безчестие и поношение.
18:4 См.: 🔗Прит. 20:5	Вода глубока слово в сердцы мужа, река же изскачущи и источник жизни.
18:5 См.: 🔗Лев. 19:15 🔗Втор. 1:17 🔗Прит. 24:23 🔗Сир. 42:1	Чудитися лицу нечестиваго не добро, ниже преподобно укланяти праведное на суде.
18:6	Устне безумнаго приводят его на зло, уста же его дерзостная призывают смерть.
18:7 См.: 🔗Прит. 10:14 🔗Прит. 12:13	Уста безумнаго сокрушение ему, устне же его сеть души его.
18:8	Ленивыя низлагает страх: души же мужей женам подобных взалчут.
18:9	Не изцеляяй себе во своих делех брат есть погубляющему себе самаго.
18:10	Из величества крепости имя Господне, к немуже притекающе праведницы возносятся.
18:11 См.: 🔗Пс. 19:2 🔗Прит. 14:26	Имение богату мужу град тверд, слава же его вельми присеняет.
18:12 См.: 🔗Прит. 10:15	Прежде сокрушения возносится сердце мужу и прежде славы смиряется.
18:13 См.: 🔗Прит. 16:18	Иже отвещает слово прежде слышания, безумие ему есть и поношение.
18:14 См.: 🔗Сир. 11:8	Гнев мужа укрощает раб разумный: малодушна же человека кто стерпит?
18:15	Сердце разумнаго стяжет чувствие, ушеса же мудрых ищут смысла.
18:16	Даяние человека распространяет его и с сильными посаждает его.
18:17 См.: 🔗Прит. 17:8 🔗Мф. 2:11	Праведный себе самаго оглаголник во первословии: егда же приложит супостат, обличается.
18:18	Прекословия утоляет молчаливый и во властех определяет.
18:19	Брат от брата помогаемь, яко град тверд и высок, укрепляется же якоже основаное царство.
18:20	От плодов уст муж насыщает чрево свое, и от плодов устен своих насытится.
18:21 См.: 🔗Прит. 14:14 🔗Ис. 3:10	Смерть и живот в руце языка: удержавающии же его снедят плоды его.
18:22 См.: 🔗Прит. 13:3 🔗Иак. 3:8	Иже обрете жену добру, обрете благодать, приял же есть от Господа тишину.
18:23 См.: 🔗Прит. 19:14	Иже изгоняет жену добрую, изгоняет благая: держай же прелюбодейцу безумен и нечестив.
18:24 См.: 🔗Сир. 13:4	С молении глаголет убогий, богатый же отвещает жестоко.
18:25 См.: 🔗Прит. 17:17	Муж любовен к дружбе, и есть друг прилепивыйся паче брата.