Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 47 | |
47:1 См.: 🔗Зах. 14:8 | И введе мя ко преддверию храма, и се, вода исхождаше из под непокровеннаго храма на восток, яко лице храма зряше на восток, и исхождаше вода от страны десныя, от юга к жертвеннику. |
47:2 | И изведе мя по пути врат яже на север и обведе мя путем вратным внеуду ко вратом двора, зрящаго на восток, и се, вода исхождаше от страны десныя, |
47:3 | якоже исход мужа противу: и мера в руце его: и измери тысящу мерою, и прейде водою воду оставления. |
47:4 | И (паки) измери тысящу, и преведе мя чрез воду, и взыде вода до колен: и размери тысящу, и взыде вода даже до чресл. |
47:5 См.: 🔗Рим. 11:33 | И размери тысящу, поток, и не возможе прейти, яко кипяше вода, аки шум поточный, егоже не прейдут. |
47:6 | И рече ко мне: видел ли еси, сыне человечь? И веде мя и обрати мя на брег речный, во обращении моем: |
47:7 См.: 🔗Отк. 22:1 | и се, на брезе речнем древеса многа зело сюду и сюду. |
47:8 См.: 🔗Зах. 14:8 | И рече ко мне: вода сия текущая в Галилею, яже на восток, и низхождаше ко Аравии, и грядяше до моря к воде исхода, и изцелит воды: |
47:9 См.: 🔗Рим. 11:16 🔗Мф. 13:47 | и будет всяка душа животных вреющих, на вся, на няже найдет тамо река, жива будут: и будут тамо рыбы многи зело, яко приидет тамо вода сия и изцелит, и живо будет всякое, на неже аще приидет река, тамо живо будет. |
47:10 См.: 🔗Иер. 16:16 | И станут тамо рыбарие от Ингадда до Ингалима: сушило мрежам будет, о себе будет: и рыбы ея яко рыбы моря великаго, множество много зело. |
47:11 | И во исходе ея и во обращении ея и в возвышении ея мелины ея не изцелятся, в соль вдадутся: |
47:12 См.: 🔗Ис. 65:22 🔗Отк. 22:2 | и над реку взыдет, и на брезе ея оба полы, всякое древо ядомое не обетшает у нея, ни оскудеет плод его, новости своея первый плод принесет, ибо воды их сия от святых исходят, и будет плод их в снедь и прозябение их во здравие. |
47:13 | Сице глаголет Господь Бог: сия пределы наследите земли, двунадесяти племеном сынов Израилевых приложение ужа. |
47:14 См.: 🔗Быт. 12:7 | И наследите ю кийждо, якоже брат его, на нюже воздвигох руку Мою, еже дати ю отцем их, и падет земля сия вам в наследие. |
47:15 | И сии пределы земли на север, от моря великаго сходящаго и отделяющаго вход Имаселдам, |
47:16 | Маавфирас, Еврамилиам среде предел Дамасковых и среде предел Имафовых, дворы Савнани, иже суть выше предел Авранитидских. |
47:17 См.: 🔗Чис. 34:9 | Сии пределы от моря: от двора Енанова, пределы Дамасковы, и яже к северу, и предел Емафов, и предел северск. |
47:18 См.: 🔗Чис. 34:10 | И яже на востоки: между Авранитидою и между Дамаском, и между Галаадитидою и между землею Израилевою, Иордан делит к морю, еже на востоки фиников: сия на востоки. |
47:19 | И яже к югу и ливу: от Фемана и фиников даже до воды Маримоф – Кадим, продолжающееся к морю великому. |
47:20 | Сия страна юга и лива, сия страна моря великаго разделяет даже прямо входу Имаф, даже до входа его: сия суть яже к морю Имаф. |
47:21 | И разделите землю вам, племеном Израилевым. |
47:22 См.: 🔗Ис. 56:3 🔗Гал. 3:28 | Расположите ю жребием вам и пришелцем обитающым среде вас, иже родиша сыны посреде вас, и будут вам яко туземцы в сынех Израилевых: с вами да ядят во участии среде племен Израилевых, |
47:23 | и будут в племени пришелцев, в пришелцех иже с ними: тамо дадите участие им,, глаголет Господь. |