Книга Иова, глава 34

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 34
34:1	Отвещав же Елиус, рече:
34:2	послушайте мене, премудрии: сведущии, внушите (доброе),
34:3 См.: 🔗Иов. 12:11	яко ухо словеса искушает, гортань же вкушает брашна.
34:4	Суд изберем себе, уразумеем посреде себе, что лучшее.
34:5 См.: 🔗Иов. 13:18 🔗Иов. 23:10 🔗Иов. 35:2	Яко рече Иов: праведен есмь, Господь отят ми суд,
34:6 См.: 🔗Иов. 6:4	солга же суду моему: насильна стрела моя без неправды.
34:7 См.: 🔗Иов. 15:16	Кто муж, якоже Иов, пияй поругание, якоже воду,
34:8	не согрешая, ниже нечествовав, ниже приобщився к творящым беззакония, еже ходити с нечестивыми?
34:9 См.: 🔗Иов. 9:22 🔗Мал. 3:14	Не рцы бо, яко несть посещения мужеви, и посещения ему от Господа.
34:10 См.: 🔗Иов. 8:3 🔗Иов. 36:23	Темже, разумивии сердцем, послушайте мене, не буди ми пред Господем нечествовати и пред Вседержителем возмутити правду:
34:11 См.: 🔗Прит. 24:12 🔗Рим. 2:6	но воздает человекови, якоже творит кийждо их, и на стези мужестей обрящет и.
34:12	Мниши же Господа нелепая сотворити, или Вседержитель смятет суд, иже сотвори землю?
34:13 См.: 🔗Иов. 38:4	Кто же есть творяй поднебесную и яже в ней всяческая?
34:14 См.: 🔗Пс. 103:29	Аще бо восхощет запретити и дух у Себе удержати,
34:15 См.: 🔗Быт. 3:19	умрет всяка плоть вкупе, всяк же человек в землю пойдет, отнюдуже и создан бысть.
34:16	Аще же не увещаешися, послушай сих, внуши глас глагол.
34:17	Виждь ты ненавидящаго беззаконная и губящаго лукавыя, суща, вечна, праведна.
34:18	Нечестив есть глаголяй цареви, закон преступаеши, нечестивейше, князем:
34:19 См.: 🔗Втор. 10:17 🔗2Пар. 19:7 🔗Прем. 6:7 🔗Сир. 35:12 🔗Деян. 10:34 🔗1Пет. 1:17 🔗Рим. 2:11 🔗Гал. 2:6 🔗Еф. 6:9	иже не постыдеся лица честнаго, ниже весть честь возложити сильным, удивитися лицам их.
34:20	Тще же им сбудется, еже возопити и молити мужа: зане употребиша беззаконно, безчестяще немощных.
34:21	Той бо зритель есть дел человеческих, утаися же от Него ничтоже от тех, яже творят:
34:22	ниже будет место укрытися творящым беззаконная:
34:23	яко не на мужа положит еще.
34:24 См.: 🔗Прит. 5:21	Господь бо всех видит, постизаяй неизследная, славная же и изрядная, имже несть числа,
34:25 См.: 🔗Иов. 27:20	сведый их дела, и обратит нощь, и смирятся.
34:26	Угаси же нечестивыя, видими же пред ним:
34:27 См.: 🔗Пс. 27:5	яко уклонишася от закона Божия, оправданий же Его не познаша,
34:28 См.: 🔗Пс. 9:13	еже вознести к Нему вопль нищих, и вопль убогих услышит.
34:29 См.: 🔗Ин. 14:27 🔗Рим. 8:34	И Той тишину подаст, и кто осудит? И сокрыет лице, и кто узрит Его? И на язык, и на человека вкупе,
34:30 См.: 🔗Ос. 13:11	иже поставляет царем человека лицемера за строптивость людий.
34:31	Яко к Крепкому глаголяй: взях, не отиму вместо залога:
34:32	без мене узрю, Ты покажи ми: аще неправду соделах, не имам приложити.
34:33	Еда от тебе истяжет ю, яко ты отринеши, яко ты избереши, а не аз ли? И что разумееши? Глаголи.
34:34	Темже смысленнии сердцем рекут сия, муж же премудр услыша глагол мой.
34:35	Иов же не в разуме глаголаше, словеса же его не в хитрости.
34:36	Обаче навыкни, Иове, не даждь еще ответа, якоже немудрии:
34:37	да не приложим на грехи нашя: беззаконие же на нас вменится, многая глаголющих словеса на Господа.