Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 24 | |
24:1 | И рече Господь к Моисею, глаголя: |
24:2 См.: 🔗Исх. 27:20 | заповеждь сыном Израилевым, да возмут ти елей от масличия чист исцежен в светение, да горит светило всегда, |
24:3 См.: 🔗1Цар. 3:3 🔗Исх. 27:21 | вне завесы в скинии свидения, и возжигати будут его Аарон и сынове его от вечера до заутра пред Господем непрестанно, законно вечно в роды вашя: |
24:4 См.: 🔗Исх. 25:31 🔗Ин. 1:7 | на светилнице чистем возжигати будете светила пред Господем даже до утра. |
24:5 | И возмете муки пшеничны, и сотворите от нея дванадесять хлебов: дву десятин да будет хлеб един: |
24:6 См.: 🔗Исх. 25:30 | и возложите их на два положения, по шести хлебов едино положение на трапезе чисте пред Господем: |
24:7 См.: 🔗Ин. 6:35 | и возложите на едино положение ливан чист и соль, и да будут хлебы в память предлежащыя пред Господем: |
24:8 См.: 🔗Мф. 12:5 | в день субботы да предлагаются пред Господем всегда от сынов Израилевых, завет вечный: |
24:9 | и да будут Аарону и сыном его, и да снедят я на месте святе, суть бо святая святых: сие им от жертв Господу в закон вечный. |
24:10 | И изыде сын жены Израилтяныни, и сей бе сын Египтянина в сынех Израилевых: и пряхуся в полце иже от Израилтяныни и муж Израилтянин: |
24:11 См.: 🔗Втор. 28:58 🔗Мф. 9:3 | и нарек сын жены Израилтяныни имя (Господне) прокля. И приведоша его к Моисею. Имя же матере его Саломииф, дщерь Давриина, от племене Данова. |
24:12 См.: 🔗Чис. 15:34 | И ввергоша его в темницу, разсудити о нем повелением Господним. |
24:13 | И рече Господь к Моисею, глаголя: |
24:14 | изведи клявшаго вне полка, и да возложат вси слышавшии руце свои на главу его, и да побиют его камением весь сонм: |
24:15 | и сыном Израилевым глаголи и речеши к ним: человек человек, иже аще прокленет Бога своего, грех приимет: |
24:16 См.: 🔗Исх. 20:7 🔗Мф. 26:65 | нарицаяй же имя Господне смертию да умрет: камением да побиют его весь сонм израильский: аще туземец, или пришлец, егда наречет имя Господне, да умрет: |
24:17 См.: 🔗Исх. 21:12 | и человек, иже аще поразит всяку душу человечу, и умрет, смертию да умрет: |
24:18 | и иже аще ударит скота, и умрет, да воздаст душу вместо души: |
24:19 См.: 🔗Исх. 21:24 🔗Втор. 19:21 | и аще кто сотворит порок ближнему, якоже сотвори ему, такожде и ему да сотворят: |
24:20 | изломление за изломление, око за око, зуб за зуб: якоже сотворил порок человеку, такожде да сотворят и ему: |
24:21 | иже аше ударит человека, и умрет смертию да умрет: |
24:22 См.: 🔗Исх. 12:49 🔗Втор. 1:16 | оправдание едино будет пришелцу и туземцу, яко Аз есмь Господь Бог ваш. |
24:23 | И глагола Моисей к сыном Израилевым, и изведоша клявшаго вне полка, и побиша его камением весь сонм: и сынове Израилевы сотвориша, якоже заповеда Господь Моисею. |