Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 6 | |
6:1 См.: 🔗Сир. 29:18 | Сыне, аще поручишися за твоего друга, предаси твою руку врагу. |
6:2 | Сеть бо крепка мужу свои устне, и пленяется устнами своих уст. |
6:3 См.: 🔗Сир. 29:21 | Твори, сыне, яже аз заповедую ти, и спасайся: идеши бо в руце злых за твоего друга: буди не ослабевая, поощряй же и твоего друга, егоже испоручил еси. |
6:4 См.: 🔗Пс. 131:4 | Не даждь сна твоима очима, ниже да воздремлеши твоима веждома, |
6:5 См.: 🔗Пс. 123:7 | да спасешися аки серна от тенет и яко птица от сети. |
6:6 | Иди ко мравию, о, лениве, и поревнуй видев пути его, и буди онаго мудрейший: |
6:7 | он бо, не сущу ему земледелцу, ниже нудящаго его имеяй, ниже под владыкою сый, |
6:8 | готовит в жатву пищу и многое в лето творит уготование. Или иди ко пчеле и увеждь, коль делателница есть, делание же коль честное творит: еяже трудов царие и простии во здравие употребляют, любима же есть всеми и славна: аще силою и немощна сущи, (но) премудростию почтена произведеся. |
6:9 См.: 🔗Прит. 26:14 | Доколе, о, лениве, лежиши? Когда же от сна востанеши? |
6:10 См.: 🔗Прит. 24:33 | Мало убо спиши, мало же седиши, мало же дремлеши, мало же объемлеши перси рукама: |
6:11 | потом же найдет тебе аки зол путник убожество: скудость же аки благий течец. Аще же не ленив будеши, приидет яко источник жатва твоя, скудость же аки злый течец (от тебе) отбежит. |
6:12 | Муж безумен и законопреступный ходит в пути не благи: |
6:13 См.: 🔗Прит. 10:10 | той же намизает оком и знамение дает ногою, учит же помаванием перстов. |
6:14 См.: 🔗Прит. 17:20 | Развращенно же сердце кует злая: на всякое время таковый мятежы составляет граду. |
6:15 См.: 🔗Пс. 57:9 | Сего ради внезапу приходит ему погибель, разсечение и сокрушение неизцельное. |
6:16 | Яко радуется о всех, ихже ненавидит Бог, сокрушается же за нечистоту души: |
6:17 См.: 🔗Прит. 30:13 | око досадителя, язык неправедный, руце проливающя кровь праведнаго, |
6:18 | и сердце кующее мысли злы, и нозе тщащыяся зло творити потребятся. |
6:19 См.: 🔗Прит. 19:5 | Разжизает лжы свидетель неправеден и насылает суды посреде братий. |
6:20 См.: 🔗Прит. 1:8 | Сыне, храни законы отца твоего и не отрини наказания матере твоея: |
6:21 См.: 🔗Втор. 6:8 | навяжи же я на твою душу присно и обяжи их о твоей выи. |
6:22 См.: 🔗Прит. 3:23 | Егда ходиши, води ю, и с тобою да будет: егда же спиши, да хранит тя, да востающу ти глаголет с тобою. |
6:23 См.: 🔗Пс. 118:105 🔗2Пет. 1:19 | Зане светилник заповедь закона и свет, и путь жизни, и обличение, и наказание, |
6:24 См.: 🔗Прит. 7:5 | еже сохранити тя от жены мужаты и от наваждения языка чуждаго. |
6:25 См.: 🔗Сир. 9:8 | Сыне, да не победит тя доброты похоть, ниже уловлен буди твоима очима, ниже да совосхитишися веждами ея. |
6:26 См.: 🔗Прит. 5:10 | Цена бо блудницы, елика единаго хлеба: жена же мужей честныя душы уловляет. |
6:27 | Ввяжет ли кто огнь в недра, риз же (своих) не сожжет ли? |
6:28 | Или ходити кто будет на углиех огненных, ног же не сожжет ли? |
6:29 См.: 🔗Евр. 13:4 | Тако вшедый к жене мужатей не без вины будет, ниже всяк прикасайся ей. |
6:30 | Не дивно, аще кто ят будет крадый: крадет бо, да насытит душу свою алчущую: |
6:31 См.: 🔗Исх. 22:1 | аще же ят будет, воздаст седмерицею, и вся имения своя дав, избавит себе. |
6:32 См.: 🔗Лев. 20:10 | Прелюбодей же за скудость ума погибель души своей содевает, |
6:33 | болезни же и безчестие понесет: поношение же его не загладится во век: |
6:34 | исполнена бо ревности ярость мужа ея: не пощадит в день суда, |
6:35 | не изменит ни единою ценою вражды, ниже разрешится многими дарми. |