Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 10 | |
10:1 См.: 🔗Быт. 1:26 | Сия первозданнаго отца миру единаго созданнаго сохрани и изведе его от греха его, |
10:2 См.: 🔗Быт. 1:28 | даде же ему крепость содержати всяческая. |
10:3 См.: 🔗Быт. 4:8 | Отступив же от нея неправедный во гневе своем со братоубийственными погибе яростьми: |
10:4 См.: 🔗Быт. 7:1 | егоже ради потопляему землю паки спасе премудрость, малым древом праведника соблюдши. |
10:5 См.: 🔗Быт. 14:15 🔗Быт. 22:6 | Сия и во единомыслии лукавства смешеных языков обрете праведника и сохрани его непорочна Богу, и в поболении о чаде крепка соблюде. |
10:6 См.: 🔗Быт. 19:16 | Сия праведнаго, погибающым нечестивым, избави бежащаго от огня низходяща на пять градов: |
10:7 | ихже еще свидетелство лукавствия дымящаяся стоит земля пуста, и несовершенными времены плодоносящая древеса, и неверныя души память стоящь столп слан. |
10:8 | Премудрость бо мимоходящии не токмо повредишася, еже не ведети блага, но и безумия своего оставиша житию память, да в нихже согрешиша, ниже утаитися возмогут. |
10:9 | Премудрость же служащих ей от болезней избави. |
10:10 См.: 🔗Быт. 28:7 | Сия бежащаго от гнева братня праведника настави на стези правы и показа ему царствие Божие и даде ему разум святых, почте его в трудех и умножи труды его. |
10:11 См.: 🔗Быт. 31:7 | Во обиде обдержащих его предста ему и обогати его, |
10:12 См.: 🔗Быт. 32:28 🔗1Тим. 4:8 | сохрани его от враг, и от наветующих защити его, и подвиг крепок на победу даде ему, да увесть, яко всех сильнее есть благочестие. |
10:13 См.: 🔗Быт. 37:28 | Сия проданаго праведника не остави, но от греха избави его: сниде с ним в ров, |
10:14 | и во узах не остави его, дондеже принесе ему скиптр царствия и власть на мучащих его: лживых же показа, порок сотворших нань, и даде ему славу вечную. |
10:15 См.: 🔗Исх. 12:37 | Сия людей преподобных и семя непорочное избави от язык оскорбляющих: |
10:16 См.: 🔗Исх. 4:11 | вниде в душу раба Господня и воста противу царей страшных в чудесех и знамениих. |
10:17 | Воздаде преподобным мзду трудов их, настави их в путь дивен и бысть им в покров днем и в пламень звезд в нощи. |
10:18 См.: 🔗Исх. 14:22 | Преведе их но морю Чермному и проведе их сквозе воду многу: |
10:19 | враги же их потопи и из глубины бездны изрину их. |
10:20 См.: 🔗Исх. 12:35 🔗Исх. 15:1 | Сего ради праведнии взяша корысти нечестивых и воспеша, Господи, имя святое Твое, и одолетелницу руку Твою похвалиша единодушне: |
10:21 См.: 🔗Исх. 4:11 | яко премудрость отверзе уста немых и языки младенцем сотвори ясны. |