Псалтирь, псалом 65

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Псаломъ 65
65:1	В конец, песнь псалма воскресения.
65:2 См.: 🔗Пс. 99:1	Воскликните Господеви вся земля, пойте же имени Его, дадите славу хвале Его.
65:3 См.: 🔗Втор. 33:29	Рцыте Богу: коль страшна дела Твоя? Во множестве силы Твоея солжут Тебе врази Твои.
65:4	Вся земля да поклонится Тебе и поет Тебе, да поет же имени Твоему, Вышний.
65:5 См.: 🔗Пс. 45:9	Приидите и видите дела Божия, коль страшен в советех паче сынов человеческих.
65:6 См.: 🔗Исх. 14:21 🔗Нав. 3:16	Обращаяй море в сушу, в реце пройдут ногами: тамо возвеселимся о Нем,
65:7	владычествующем силою Своею веком: очи Его на языки призираете: преогорчевающии да не возносятся в себе.
65:8	Благословите, языцы, Бога нашего, и услышан сотворите глас хвалы Его,
65:9	положшаго душу мою в живот, и не давшаго во смятение ног моих.
65:10 См.: 🔗1Пет. 1:7 🔗1Пет. 4:12 🔗Иез. 22:21	Яко искусил ны еси, Боже, разжегл ны еси, якоже разжизается сребро.
65:11	Ввел ны еси в сеть, положил еси скорби на хребте нашем.
65:12 См.: 🔗Ис. 43:2 🔗Дан. 3:17	Возвел еси человеки на главы нашя: проидохом сквозе огнь и воду, и извел еси ны в покой.
65:13	Вниду в дом Твой со всесожжением, воздам Тебе молитвы моя,
65:14	яже изрекосте устне мои, и глаголаша уста моя в скорби моей.
65:15	Всесожжения тучна вознесу Тебе с кадилом, и овны, вознесу Тебе волы с козлы.
65:16	Приидите, услышите, и повем вам, вси боящиися Бога, елика сотвори души моей.
65:17	К Нему усты моими воззвах, и вознесох под языком моим.
65:18 См.: 🔗Прит. 15:29 🔗Прит. 28:9	Неправду аще узрех в сердцы моем, да не услышит мене Господь.
65:19	Сего ради услыша мя Бог, внят гласу моления моего.
65:20	Благословен Бог, Иже не отстави молитву мою и милость Свою от мене.