Книга пророка Ионы, глава 2

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 2
2:1 См.: 🔗Мф. 12:40 🔗Мф. 16:4 🔗Лк. 11:29 🔗1Кор. 15:4	И повеле Господь киту великому пожрети Иону. И бе Иона во чреве китове три дни и три нощи.
2:2	И помолися Иона ко Господу Богу своему от чрева китова
2:3 См.: 🔗Пс. 119:1	и рече: возопих в скорби моей ко Господу Богу моему, и услыша мя из чрева адова вопль мой, услышал еси глас мой:
2:4 См.: 🔗Пс. 41:8	отвергл мя еси во глубины сердца морскаго, и реки обыдоша мя вся высоты Твоя и волны Твоя мне преидоша.
2:5 См.: 🔗Ис. 38:11	И аз рех: отринуся от очию Твоею: еда приложу призрети ми ко храму святому Твоему?
2:6 См.: 🔗Пс. 68:2	Возлияся на мя вода до души моея, бездна обыде мя последняя, понре глава моя в разселины гор,
2:7	снидох в землю, еяже вереи ея заклепи вечнии: и да взыдет из истления живот мой к Тебе, Господи Боже мой.
2:8 См.: 🔗Пс. 17:7	Внегда скончаватися от мене души моей, Господа помянух, и да приидет к Тебе молитва моя ко храму святому Твоему.
2:9	Хранящии суетная и ложная милость свою оставиша:
2:10 См.: 🔗Пс. 49:14 🔗Евр. 13:15	аз же со гласом хваления и исповедания пожру Тебе, елика обещах, воздам Тебе во спасение мое Господеви.
2:11 См.: 🔗Мф. 12:40	И повеле Господь китови, и изверже Иону на сушу.