Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Псаломъ 69 | |
69:1 | В конец Давиду, в воспоминание, во еже спасти мя Господу. |
69:2 | Боже, в помощь мою вонми: Господи, помощи ми потщися. |
69:3 См.: 🔗Пс. 34:4 | Да постыдятся и посрамятся ищущии душу мою. Да возвратятся вспять и постыдятся хотящии ми злая: |
69:4 См.: 🔗Пс. 34:21 | да возвратятся абие стыдящеся глаголющии ми: благоже, благоже. |
69:5 | Да возрадуются и возвеселятся о Тебе вси ищущии Тебе, Боже: и да глаголют выну, да возвеличится Господь, любящии спасение Твое. |
69:6 | Аз же нищь есмь и убог, Боже, помози ми: помощник мой и Избавитель мой еси Ты, Господи, не закосни. |