Книга пророка Михея, глава 6

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 6
6:1	Слышите, яже глагола Господь: востани, судися с горами, и да слышат холми глас твой.
6:2 См.: 🔗Ис. 1:2 🔗Иер. 2:4	Слышите, горы, суд Господень, и дебри основания земли, яко суд Господень к людем Его, и со Израилем претися имать.
6:3 См.: 🔗Иер. 2:5	Людие Мои, что сотворих вам, или чим оскорбих вас, или чим стужих вам? Отвещайте Ми.
6:4 См.: 🔗Исх. 12:41 🔗Исх. 14:30	Зане изведох вас из земли Египетския и из дому работы избавих вас, и послах пред вами Моисеа и Аарона и Мариам.
6:5 См.: 🔗Чис. 22:6 🔗Чис. 23:7	Людие Мои, помяните убо, что совеща на вы Валак царь Моавитский, и что ему отвеща Валаам сын Веоров, от Сития до Галгал? Яко да познается правда Господня.
6:6 См.: 🔗Ос. 6:6 🔗Мф. 9:13	В чем постигну Господа, срящу Бога моего Вышняго? Срящу ли Его со всесожжением, телцы единолетными?
6:7	Еда приимет Господь в тысящах овнов, или во тмах козлищ тучных? Дам ли первенцы моя о нечестии моем, плод утробы моея, за грехи души моея?
6:8 См.: 🔗Втор. 10:12 🔗Ос. 6:6	Возвестися бо тебе, человече, что добро, или чесого Господь ищет от тебе, разве еже творити суд и любити милость и готову быти еже ходити с Господем Богом твоим?
6:9	Глас Господень граду призовется, и спасет боящыяся имене Его: послушай, племя, и кто украсит град?
6:10 См.: 🔗Мих. 2:2	Еда огнь и дом беззаконнаго собирая имения беззаконная и со укоризною неправды?
6:11 См.: 🔗Лев. 19:36 🔗Прит. 11:1	Еда оправдится в мериле беззаконник и во вретищи меры неправыя,
6:12	от нихже богатство свое нечестия наполниша? И живущии в ней глаголаху лжу, и язык их вознесеся во устех их.
6:13 См.: 🔗Иез. 12:20	И Аз начну поражати тя и погублю тя во гресех твоих.
6:14 См.: 🔗Лев. 26:26 🔗Ос. 4:10	Ты ясти будеши и не насытишися, и померкнет в тебе, и совратишися, и не спасешися: и елицы аще избудут, оружию предадятся.
6:15 См.: 🔗Втор. 28:38 🔗Иер. 12:13 🔗Аг. 1:6 🔗Соф. 1:13	Ты посееши, но не пожнеши: ты изгнетеши масличие, но не помажешися маслом: и насадите вино, и не испиете: и погибнут законы людий Моих.
6:16 См.: 🔗3Цар. 16:19	И хранил еси оправдания Замвриина и вся дела дому Ахаавля, и ходисте в советех их, яко да предам тя в пагубу, и живущыя в ней во звиздание, и укоризны людий приимете.