Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 11 | |
11:1 См.: 🔗Втор. 25:13 | Мерила льстивая мерзость пред Господем, вес же праведный приятен Ему. |
11:2 | Идеже аще внидет досаждение, тамо и безчестие: уста же смиренных поучаются премудрости. |
11:3 | Умираяй праведник остави раскаяние, удобна же бывает и посмеятелна нечестивых погибель. |
11:4 | Совершенство правых наставит их, и поползновение отрицающихся пленит их. Не упользуют имения в день ярости: правда же избавит от смерти. |
11:5 | Правда непорочнаго исправляет пути, нечестие же впадает в неправду. |
11:6 См.: 🔗Прем. 5:15 | Правда мужей правых избавит их, безсоветием же уловляются беззаконнии. |
11:7 | Скончавшуся мужу праведну, не погибнет надежда: похвала же нечестивых погибнет. |
11:8 См.: 🔗Есф. 7:9 🔗Пс. 33:20 | Праведный от лова убегнет, в негоже место предается нечестивый. |
11:9 | Во устех нечестивых сеть гражданом, чувство же праведных благопоспешно. |
11:10 См.: 🔗Прит. 28:12 | Во благих праведных исправится град, и в погибели нечестивых радование. |
11:11 См.: 🔗Быт. 18:32 🔗Сир. 16:5 | В благословении правых возвысится град, усты же нечестивых раскопается. |
11:12 | Ругается гражданом лишенный разума, муж же мудр безмолвие водит. |
11:13 См.: 🔗Прит. 20:19 🔗Сир. 27:17 | Муж двоязычен открывает советы в сонмищи, верный же духом таит вещы. |
11:14 См.: 🔗Прит. 15:22 🔗Прем. 6:26 | Умже и несть управления, падают аки листвие, спасение же есть во мнозе совете. |
11:15 | Лукавый злодействует, егда сочетавается с праведным, ненавидит же гласа утверждения. |
11:16 | Жена благодатна возносит мужу славу: престол же безчестия жена ненавидящая правды. Богатства ленивии скудни бывают, крепцыи же утверждаются богатством. |
11:17 | Души своей благотворит муж милостивый, погубляет же тело свое немилостивый. |
11:18 См.: 🔗Гал. 6:8 | Нечестивый творит дела неправедная: семя же праведных мзда истины. |
11:19 | Сын праведный раждается в живот: гонение же нечестиваго в смерть. |
11:20 См.: 🔗Пс. 5:7 🔗Пс. 118:1 | Мерзость Господеви путие развращенни, приятни же Ему вси непорочнии в путех своих. |
11:21 См.: 🔗Прит. 16:5 | В руку руце вложив неправедно, не без муки будет злых: сеяй же правду приимет мзду верну. |
11:22 | Якоже усерязь златый в ноздрех свинии, тако жене злоумней лепота. |
11:23 См.: 🔗Пс. 111:10 | Желание праведных все благое, надежда же нечестивых погибнет. |
11:24 См.: 🔗2Кор. 9:6 | Суть, иже своя сеюще, множайшая творят: суть же и собирающе чуждая, умаляются. |
11:25 | Душа благословенна всякая простая: муж ярый неблагообразен. |
11:26 | Удержаваяй пшеницу оставит ю языком: продаяй пшеницу скупо, от народа проклят, благословение же Господне на главе подавающаго. |
11:27 | Творяй благая ищет благодати добры: ищущаго же злая постигнут его. |
11:28 | Надеяйся на богатство свое, сей падет: заступаяй же праведных, той возсияет. |
11:29 | Не сматряяй своего дому наследит ветры: поработает же безумный разумному. |
11:30 См.: 🔗Прит. 3:18 | От плода правды древо жизни прозябает: отемлются же безвременно души беззаконных. |
11:31 См.: 🔗1Пет. 4:18 | Аще праведный едва спасается, нечестивый же и грешный где явится? |