Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 4 | |
4:1 | Да убоимся убо, да не когда оставлену обетованию внити в покой Его, явится кто от вас лишився. |
4:2 См.: 🔗1Пет. 1:12 | Ибо нам благовествовано есть, якоже и онем: но не пользова онех слово слуха, не растворенное верою слышавших. |
4:3 См.: 🔗Евр. 3:11 | Входим бо в покой веровавшии, якоже рече: яко кляхся во гневе Моем, аще внидут в покой Мой: аще и делом от сложения мира бывшым. |
4:4 См.: 🔗Быт. 2:2 🔗Исх. 20:11 | Рече бо негде о седмем сице: и почи Бог в день седмый от всех дел Своих. |
4:5 См.: 🔗Пс. 94:11 | И в сем паки: аще внидут в покой Мой. |
4:6 | Понеже убо лишени нецыи внити в него, и имже прежде благовествовано бе, не внидоша за непослушание: |
4:7 См.: 🔗Евр. 3:7 | паки некий уставляет день, днесь, в Давиде глаголя, по толицех летех, якоже прежде глаголася: днесь, аще глас Его услышите, не ожесточите сердец ваших. |
4:8 | Аще бо бы онех Иисус упокоил, не бы о инем дни глаголал по сих. |
4:9 См.: 🔗Отк. 7:14 🔗Отк. 14:13 | Убо оставлено есть (и еще) субботство людем Божиим: |
4:10 | вшедый бо в покой Его, и той почи от дел своих, якоже от Своих Бог. |
4:11 | Потщимся убо внити во оный покой, да не кто в ту же притчу противления впадет. |
4:12 | Живо бо слово Божие и действенно, и острейше паче всякаго меча обоюду остра, и проходящее даже до разделения души же и духа, членов же и мозгов, и судително помышлением и мыслем сердечным. |
4:13 См.: 🔗Пс. 32:15 🔗Иер. 23:24 | И несть тварь неявлена пред Ним, вся же нага и объявлена пред очима Его, к Немуже нам слово. |
4:14 См.: 🔗Евр. 6:20 | Имуще убо Архиереа велика, прошедшаго небеса, Иисуса Сына Божия, да держимся исповедания. |
4:15 См.: 🔗Ис. 53:3 🔗Евр. 2:17 | Не имамы бо архиереа не могуща спострадати немощем нашым, но искушена по всяческим по подобию, разве греха. |
4:16 См.: 🔗Рим. 3:25 🔗Еф. 3:2 | Да приступаем убо с дерзновением к престолу благодати, да приимем милость и благодать обрящем во благовременну помощь. |