Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 19 | |
19:1 См.: 🔗Ис. 37:1 | И бысть егда услыша царь Езекиа, и раздра ризы своя, и облечеся во вретище, и вниде в дом Господень. |
19:2 См.: 🔗4Цар. 18:18 | И посла Елиакима строителя, и Сомнаса книгочиа и старейшины жерцев облечены во вретище ко Исаии пророку сыну Амосову. |
19:3 | И реша ему: сице глаголет Езекиа: день скорби и обличения и прогневания день сей, яко приидоша сынове даже до болезнорождения, и крепости несть раждающей: |
19:4 | аще како послушает Господь Бог твой всех словес Рапсаковых, егоже и посла царь Ассирийский господин его поносити Богу живому и хулити словесы, ихже слыша Господь Бог твой, и приими молитву о останце обретающемся. |
19:5 См.: 🔗Ис. 37:6 | И приидоша отроцы царя Езекии и ко Исаии. |
19:6 | И рече им Исаиа: сице рцыте господину вашему: тако глаголет Господь: не убойся от лица словес, ихже слышал еси, имиже похулиша Мя отроцы царя Ассирийска: |
19:7 См.: 🔗4Цар. 7:6 🔗4Цар. 19:9 | се, Аз даю ему духа, и услышит возвещение и возвратится в землю и свою: и низложу его оружием в земли и его. |
19:8 | И возвратися Рапсак и обрете и царя Ассирийска воююща на Ловну: услыша бо, яко отступи от Лахиса. |
19:9 См.: 🔗Ис. 37:9 | И слыша о Фараке цари Ефиопстем, глаголя: се, изыде ратоватися с тобою. И возвратися и посла послы ко Езекии, глаголя: тако рцыте Езекии царю Иудейску: |
19:10 См.: 🔗4Цар. 18:30 | да не возносит тя Бог твой, на негоже ты надеешися глаголя: не имать предан быти Иерусалим в руце и царя Ассирийска: |
19:11 | се, ты слышал еси вся, елика и сотвориша царие Ассирийстии всем землем, еже прокляти их, и ты ли избудеши? |
19:12 См.: 🔗4Цар. 18:33 🔗2Пар. 32:19 | Еда избавляюще избавиша их и бози языков, ихже расточиша отцы и мои, Гозану и Харану, и Фаресу и сыны Едомли, иже во Фалассаре? |
19:13 | Где есть царь Емафов и царь и Арфадов? И где есть царь града Сепфаруима, Ана и Ава? |
19:14 См.: 🔗Ис. 37:14 | И прият царь Езекиа книги от руки послов и прочте я: и вниде в храм Господень, и разгну их Езекиа пред Господем, |
19:15 См.: 🔗1Цар. 4:4 🔗Пс. 98:1 | и молися Езекиа пред Господем и рече: Господи Боже Израилев, седяй на Херувимех, Ты еси и Бог един бо всех царствиих земли, Ты сотворил еси небо и землю: |
19:16 См.: 🔗1Цар. 17:10 | приклони, Господи, ухо Твое и услыши мя: отверзи, Господи, очи Твои и виждь, и услыши словеса Сеннахирима, яже посла поношая Тебе Богу живу: |
19:17 | яко поистинне, Господи, опустошиша царие Ассирийстии языки, |
19:18 | и даша боги их на огнь, яко не бози беша, но дела руку человечу, древа и камения, и погубиша я: |
19:19 См.: 🔗Сир. 36:5 | и ныне, Господи Боже наш, спаси ны из руки его, и уразумеют вся царствия земли, яко Ты еси Господь Бог един. |
19:20 См.: 🔗2Пар. 32:20 🔗Ис. 37:21 | И посла Исаиа сын Амосов ко Езекии, глаголя: тако глаголет Господь Бог Сил, Бог Израилев: слышах, о нихже молился еси ко Мне, о Сеннахириме царе Ассирийсте. |
19:21 См.: 🔗Ис. 1:8 | Сие слово, еже глагола Господь на него: уничижи тя и поругася тебе девица и дщи Сионя, над тобою главою своею покива дщи Иерусалимля: |
19:22 | кому поносил еси, и кого похулил еси? И на кого вознесл еси глас, и воздвигл еси на высоту очи твои? На Святаго Израилева. |
19:23 См.: 🔗Ис. 37:24 🔗Зах. 11:2 | Рукою послов твоих поносил еси Господу, и рекл еси: со множеством колесниц моих взыду аз на вышнюю часть горы Ливанския, и усеку величество от кедр ея и избранныя кипарисов ея, и прииду в средину чащи Кармилския: |
19:24 См.: 🔗Ис. 37:25 | аз изсуших, и пиях воды чуждыя, и опустоших стопами ног моих вся реки окрестныя: |
19:25 См.: 🔗Ис. 43:13 🔗Ис. 44:7 | еда не слышал еси? Издавна ю сотворих, от дний первых создах ю и принесох ю: и бысть в холмы преселников воююших грады тверды: |
19:26 | и живущии в них изнемогоша рукою, сотрясошася и постыдешася, быша (яко) трава селная, или злачно былие, злак иже на зданиих, и попрания противу стоящаго: |
19:27 | и седение твое, и исход твой, и вход твой разумех, и гнев твой на Мя, |
19:28 См.: 🔗3Цар. 20:28 🔗Иез. 29:4 | занеже разгневался еси на Мя и шум твой вниде во ушы Мои, и вложу удицу Мою в ноздри твоя и бразду во устне твои, и возвращу тя по пути, имже пришел еси. |
19:29 См.: 🔗Ис. 37:30 🔗Лев. 25:3 | И сие тебе знамение, (Езекие): яждь в сие лето прозябающая самородная, и в лето второе прозябающая, и в лето третие сейте семена и жните, садите винограды, и да ясте плод их: |
19:30 | и приложит спасшееся дому Иудова, оставшееся, корень доле, и сотворит плод горе, |
19:31 См.: 🔗Ис. 37:32 | яко из Иерусалима изыдет останок, и спасаемый из горы Сиони: ревность Господа Сил сотворит сие. |
19:32 | Сего ради тако глаголет Господь (Сил) на царя Ассирийска: не имать внити во град сей, и не имать устрелити нам стрелы, и не достигнет к нему щит, и не имать осыпати его землею: |
19:33 | но путем, имже прииде темже возвратится, и во град сей не имать внити, глаголет Господь, |
19:34 См.: 🔗4Цар. 20:6 🔗3Цар. 11:13 | и защищу град сей, еже спасти его Мене ради и Давида ради раба Моего. |
19:35 | И бысть в нощь ону, и сниде Ангел Господнь и уби от полка Ассирийскаго сто осмьдесят и пять тысящ. И восташа заутра, и се, вся трупия мертва. |
19:36 | И воста, и отиде, и возвратися Сеннахирим царь Ассирийский, и вселися в Ниневию. |
19:37 См.: 🔗Тов. 1:21 🔗1Езд. 4:2 | И бысть ему кланяющуся во храме Месераха бога своего, и Адрамелех и Сарасар сынове его убиста его мечем: сами же бежаста в землю Араратску. И воцарися Асордан сын его вместо его. |