Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 5 | |
5:1 | И воспе Деввора и Варак сын Авинеемов в той день, и рече: |
5:2 | внегда начати вождом во Израили, и в произволении людий, благословите Господа. |
5:3 | Услышите, царие, и внушите, князи: аз Господеви воспою и пою Богу Израилеву. |
5:4 См.: 🔗Втор. 33:2 🔗Пс. 67:8 | Господи, во исходе Твоем от Сиира, внегда воздвизатися Тебе от села Едомова, земля потрясеся, и небо возмутися, и облацы искапаша воду: |
5:5 См.: 🔗Исх. 19:18 | горы подвигошася от лица Господа Елои, тая Сина от лица Господа Бога Израилева. |
5:6 См.: 🔗Суд. 3:31 | Во дни Самегара сына Анафова, во дни Иаили, оскудеша путие, и идоша в пути кривы, и идоша в пути развращенны: |
5:7 | оскудеша живущии во Израили, оскудеша дондеже воста Деввора, дондеже воста мати во Израили: |
5:8 См.: 🔗1Цар. 13:22 | избраша боги новы, яко хлеб ячен, тогда воеваша грады князей: щит не явися, ниже копие в четыредесяти тысящах во Израили. |
5:9 | Сердце мое на учиненная во Израили: сильнии людий, благословите Господа. |
5:10 См.: 🔗Суд. 10:4 | Ездящии на ослятех белых в полудне, и седящии на судищи, и ходящии на пути сонмов, провещайте. |
5:11 | Глас плещущих посреде веселящихся: тамо дадят правду. Господи, правды укрепи во Израили: тогда разыдошася во грады своя людие Господни. |
5:12 | Востани, востани, Деввора: востани, востани, глаголи с песнию: востани, Вараче, и плени плен твой, сыне Авинеемль. |
5:13 | Тогда возвеличися сила Его: Господь смири мне крепльшыя мене. |
5:14 См.: 🔗Суд. 3:15 🔗1Пар. 2:55 | Людие Ефремли утомиша их в долине: брат твой Вениамин в людех твоих: от мене Махир снидоша взыскующии, и от Завулона укрепляющиися в скиптре повествования писменника. |
5:15 См.: 🔗Быт. 49:14 | И началницы во Иссахаре с Девворою и Вараком: тако Варак отпусти пеших своих в долину, в разделения Рувимова, велика испытания сердца. |
5:16 | Вскую ми седиши посреде мосфафемов, слышати звиздание воставающих проити в разделения Рувимля? Велия испытания сердца. |
5:17 См.: 🔗Нав. 13:24 🔗Нав. 19:24 | Галаад, об ону страну Иордана вселися: и Дан, вскую обитаеши в кораблех? Асир обита при брезех морских, и в разделениих своих вселися. |
5:18 См.: 🔗Суд. 4:10 🔗Деян. 15:26 | Завулон, людие укориша душу свою на смерть: и Неффалим на высотах села. |
5:19 См.: 🔗Пс. 75:6 | И приидоша к нему царие, и ополчишася, тогда воеваша царие Ханаанстии во Фанаахе, у воды Магеддо: множества сребра не взяша. |
5:20 См.: 🔗Исх. 14:14 🔗Нав. 10:11 | От небесе ополчишася звезды, от чина своего ополчишася с Сисарою. |
5:21 См.: 🔗Суд. 4:7 | Водотечь Кисонов изверже их, водотечь Кадимин, водотечь Кисонов: поперет его душа моя сильная. |
5:22 См.: 🔗Пс. 75:7 | Тогда отсекошася копыта конская от топтания сильных его. |
5:23 См.: 🔗Суд. 2:1 | Проклинайте Мазора, рече Ангел Господень, проклятием проклените живущих в нем, яко не приидоша в помощь Господню, в помощь (Господню) в сильных. |
5:24 | Да благословится в женах Иаиль, жена Хавера Кинеева, от жен в кущи да благословится: |
5:25 См.: 🔗Суд. 4:19 | воды проси у нея, и даде ему млеко в чаши: преимущих принесе масло кравие: |
5:26 См.: 🔗Иудиф. 13:8 | руку свою левую к колу простре, и десницу свою ко млату работающих, и уби Сисару: разби главу его, и порази, прободе скрания его: |
5:27 | между ногама ея повалися: паде утружден, и умре посреде ног ея, и тамо паде бедне. |
5:28 | Оконцем взираше мати Сисарина, окном сквозе решетку, что замедли колесница его приити? Вскую умедлиша стопы колесниц его? |
5:29 | Мудрии началствующии ея отвещаша ей, и сама отвещаваше словеса своя себе: |
5:30 | не обрящут ли его разделяюща корысти, удружающа другом на главу мужа сильна? Корысти шаров Сисаре, корысти шаров различия, шары испещренных, сия выи его корысти. |
5:31 | Тако да погибнут вси врази Твои, Господи: и любящии Его, якоже восток солнца в силе своей. |