Книга пророка Осии, глава 11

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 11
11:1 См.: 🔗Мф. 2:15	Заутра отвергошася, отвержеся царь Израилев, понеже младенец Израиль, и Аз возлюбих его и из Египта воззвах сына Моего.
11:2	Якоже призвах я, такожде отхождаху от лица Моего: тии Ваалиму требу жряху и изваяным кадяху.
11:3 См.: 🔗Исх. 13:21 🔗Втор. 1:30 🔗Втор. 32:11	Аз же связах Ефрема, взях его на мышцу Мою, и не разумеша, яко изцелих я.
11:4	Во истлении человечесте привлекох я узами любления моего, и буду им яко ударяяй человек по челюстем его: и воззрю к нему и премогу ему.
11:5	Вселися Ефрем во Египте, Ассур же сам царь его, яко не восхоте возвратитися.
11:6	И изнеможе оружие во градех его, и умолче в руку его: и снедят от умышлений своих.
11:7	И людие его висяще от обитания своего: и Бог на честная его разгневается, и не вознесет его.
11:8 См.: 🔗Быт. 19:24	Что тя устрою, Ефреме? Защищу ли тя, Израилю? Что тя положу? Якоже Адаму устрою тя, и якоже Севоим, превратися сердце Мое в Нем, смятеся раскаяние Мое.
11:9 См.: 🔗Иер. 31:20 🔗Лк. 19:41 🔗Плч. 3:31	Не сотворю по гневу ярости Моея, не оставлю еже потребитися Ефремови, зане Бог Аз есмь, а не человек: в тебе Свят, и не вниду во град.
11:10 См.: 🔗Иер. 25:30	Вслед Господа имам ходити: яко лев возревет, понеже Той возревет, и ужаснутся чада вод,
11:11 См.: 🔗Ис. 60:8	и приидут яко птица из Египта и яко голубь от земли Ассирски: и возставлю я в домех их, глаголет Господь.
11:12 См.: 🔗Ос. 8:11	Обыде Мя лжею Ефрем, и нечестиями дом Израилев и Иуда: ныне позна я Бог, и людие святи прозвашася Богови.