Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 24 | |
24:1 См.: 🔗2Пар. 36:6 🔗Дан. 1:1 | Во днех его взыде Навуходоносор царь Вавилонский, и бысть ему Иоаким раб три лета, и отвратися, и отвержеся его. |
24:2 См.: 🔗4Цар. 22:15 🔗Иер. 13:9 | И посла Господь ему единопоясники Халдейския и единопоясники Сирийския, поясники сынов Аммоних, и посла их в землю Иудову на побеждение по словеси Господню, еже глагола рукою рабов Своих пророков. |
24:3 См.: 🔗4Цар. 21:11 | Обаче прииде по гневу Господню на Иуду, еже отставити его от лица Своего грех ради Манассииных, по всем елика сотвори, |
24:4 См.: 🔗4Цар. 21:16 | и кровь неповинную пролия, и наполни Иерусалим крове неповинныя, сего ради не восхоте Господь умилостивитися. |
24:5 См.: 🔗2Пар. 36:5 | И прочая словес Иоакимовых, и вся елика сотвори, не се ли, сия написана в книзе словес дний царей Иудиных? |
24:6 См.: 🔗Мф. 1:11 | И успе Иоаким со отцы своими, и воцарися Иехониа вместо его. |
24:7 См.: 🔗Быт. 15:18 | И не приложи ксему царь Египетский изыти из земли своея, яко взя царь Вавилонский от потока Египетска даже до реки Евфрата, вся елика быша царя Египетска. |
24:8 См.: 🔗2Пар. 36:9 | Сын осминадесяти лет Иехониа, егда нача царствовати, и три месяцы царствова во Иерусалиме. Имя же матере его Несфа, дщи Еланасфана, от Иерусалима. |
24:9 См.: 🔗4Цар. 23:32 | И сотвори лукавое пред очима Господнима, по всему елико сотвори отец его. |
24:10 См.: 🔗Дан. 1:1 | И в время то взыде Навуходоносор царь Вавилонскими на Иерусалим, и бысть град во облежении. |
24:11 | И прииде Навуходоносор царь Вавилонский на град Иерусалим, и отроцы его около обседяху град. |
24:12 См.: 🔗Иер. 22:24 🔗Иер. 29:2 | И изыде Иехониа царь Иудин ко царю Вавилонскому, сам и отроцы его, и мати его, и князи его, и скопцы его, и взя его царь Вавилонский в осмое лето царства своего. |
24:13 | И изнесе вся сокровища оттуду сущая во храме Господни и сокровища дому царева, и сокруши вся сосуды златыя, яже сотвори Соломон царь Израилев во храме по глаголу Господню, |
24:14 | и пресели Иерусалимляны и вся князи, и сильныя крепостию, плена десять тысящ пленив, и всякаго древоделя, и художники: и никтоже остася, токмо убозии земли тоя: |
24:15 См.: 🔗2Пар. 36:10 🔗Есф. 2:6 | и преведе Иехонию в Вавилон, и матерь цареву, и жены царевы, и скопцы его, и крепкия земли тоя введе на преселение из Иерусалима в Вавилон: |
24:16 | и вся мужы силы, седмь тысящ, и древодель и художников тысящу, вси сильнии творящии брань, и введе их царь Вавилонский в преселение в Вавилон. |
24:17 См.: 🔗Иер. 37:1 | И постави царем Вавилонский царь Ватфанию сына его и вместо его, и преложи имя ему Седекиа. |
24:18 См.: 🔗2Пар. 36:11 🔗Иер. 52:1 | Сын двадесяти и единаго лета Седекиа, внегда нача царствовати, и единонадесять лет царствова во Иерусалиме. Имя же матере его Амитала, дщи Иеремиина, от Ловны. |
24:19 См.: 🔗4Цар. 23:32 | И сотвори лукавое пред очима Господнима, по всему елика сотвори Иоаким, |
24:20 См.: 🔗4Цар. 17:18 🔗2Пар. 36:13 | яко ярость бе Господня на Иерусалиме и на Иуде, дондеже отверже я от лица Своего. И отвержеся Седекиа царя Вавилонска. |