Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 21 | |
21:1 См.: 🔗Иез. 44:25 | И рече Господь к Моисею, глаголя: рцы жерцем сыном Аароним, и речеши им: над душами да не осквернятся в языце своем, |
21:2 См.: 🔗Чис. 6:7 | но разве в дому ближняго своего, над отцем и материю, и сынами и дщерьми, над братом |
21:3 | и над сестрою своею девою, яже есть ближняя ему, не дана мужу, над сими да осквернятся: |
21:4 | да не осквернится внезапу в людех своих, во осквернение свое. |
21:5 | И да не обриете главы по мертвем, и обличия брады да не обриют, и на плотех своих да не сотворят язв: |
21:6 | святи да будут Богу своему и не осквернят имене Бога своего: жертвы бо Господни дары Бога своего сами приносят, и будут святи. |
21:7 См.: 🔗Иез. 44:22 🔗Еф. 5:27 | Жены блудницы и осквернены да не поймут, и жены изгнаныя от мужа ея да не поймут: яко святи суть Господу Богу своему: |
21:8 См.: 🔗Лев. 11:44 | и да освятиши его: дары Господа Бога вашего сей приносит, свят будет: яко свят Аз есмь Господь Бог ваш освящая их. |
21:9 | И дщерь человека жерца аще осквернится, еже соблудити, имя отца своего сия оскверняет: огнем да сожжется. |
21:10 См.: 🔗Исх. 28:41 🔗Лев. 10:6 | И жрец великий от братий своих, емуже возлиян на главу елей помазания, и совершенный, еже облачитися в ризы, главы да не открыет, и риз своих да не раздерет, |
21:11 | и ко всякой души умершей да не приидет: над отцем своим и над материю своею да не осквернится, |
21:12 См.: 🔗Лев. 10:7 🔗Исх. 28:38 | и от святых да не изыдет, и да не осквернит имене святаго Бога своего, яко святый елей помазания Бога его на нем: Аз Господь. |
21:13 См.: 🔗Иез. 44:22 | Сей в жену деву от рода своего да поймет: |
21:14 | вдовицы же и изгнаныя, и оскверненыя и блудницы, сих да не поймет: но девицу от племене своего да поймет в жену: |
21:15 | и да не осквернит семене своего в людех своих: Аз Господь Бог освящаяй его. |
21:16 | И рече Господь к Моисею, глаголя: |
21:17 См.: 🔗1Тим. 3:2 🔗Тит. 1:7 | рцы ко Аарону, глаголя: человек от рода твоего в родех ваших, аще коему будет на нем порок, да не приступит приносити дары Бога своего: |
21:18 См.: 🔗1Тим. 6:14 🔗2Пет. 3:14 | всяк человек, емуже аще будет на нем порок, да не приступит: человек слеп, или хром, или корносый, или ухорезан, |
21:19 | или человек, емуже есть сокрушение руки или сокрушение ноги, |
21:20 | или горбат, или гноеточив очима, или бельмоочен, или человек, на немже суть красты дивия, или лишаи, или единоятрный: |
21:21 | всяк, емуже аще будет на нем порок от семене Аарона жерца, да не приступит принести жертв Богу твоему, зане порок на нем: даров Божиих да не приступит приносити: |
21:22 | дары Бога своего святая святых, и от святых да снест: |
21:23 См.: 🔗Лев. 22:9 | обаче к завесе да не приступит, и ко олтарю да не приближится, яко порок имать: и да не осквернит святилища Бога своего, яко Аз Господь освящаяй их. |
21:24 | И глагола Моисей ко Аарону и сыном его, и ко всем сыном Израилевым. |