Книга пророка Амоса, глава 1

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 1
1:1 См.: 🔗Ис. 1:1 🔗4Цар. 14:23 🔗Зах. 14:5	Словеса Амосова, яже быша в Кариафиариме от Фекуи, яже виде о Иерусалиме во дни Озии царя Иудина и во дни Иеровоама сына Иоасова царя Израилева, прежде двою лет труса.
1:2 См.: 🔗Иер. 25:30 🔗Иоил. 3:16	И рече: Господь от Сиона возглагола и от Иерусалима даде глас Свой: и сетоваша пажити пастырей, и изсше верх Кармиль.
1:3 См.: 🔗2Цар. 12:31 🔗4Цар. 13:7 🔗Ис. 41:15	И рече Господь: за три нечестия Дамаска и за четыри не отвращуся его, понеже растроша пилами железными имущыя во утробе сущих в Галааде:
1:4 См.: 🔗Иер. 49:27	и послю огнь в дом Азаиль, и пояст основание сына Адерова:
1:5 См.: 🔗Иер. 49:24 🔗4Цар. 16:9	и сокрушу вереи Дамасковы, и потреблю живущыя с поля Онова, и посеку племя от мужей Харраних, и пленятся людие Сирстии нарочитии, глаголет Господь.
1:6 См.: 🔗2Пар. 21:17	Сия глаголет Господь: за три нечестия Газы и за четыри не отвращуся их, за еже пленити им пленение Соломоне, еже заключити во Идумею:
1:7	и послю огнь на забрала Газы, и пояст основание ея:
1:8 См.: 🔗2Пар. 26:6	и потреблю живущыя из Азота, и извержется племя из Аскалона, и наведу руку Мою на Аккарона, и погибнут остаточнии иноплеменников, глаголет Господь.
1:9 См.: 🔗Иез. 27:3	Сия глаголет Господь: за три нечестия Тирова и за четыри не отвращуся его, понеже заключиша пленники Соломони во Идумею и не помянуша завета братня:
1:10 См.: 🔗Ис. 23:1 🔗Иер. 47:4 🔗Иез. 26:3	и послю огнь на забрала Тирова, и пояст основания его.
1:11 См.: 🔗Авд. 1:10	Сия глаголет Господь: за три нечестия Идумейска и за четыри не отвращуся их, понеже прогнаша брата своего мечем и растлиша матерь на земли, и восхити во свидение грозу свою, и устремление свое снабде на победу:
1:12	и послю огнь в Феман, и пояст основания оград его.
1:13 См.: 🔗Быт. 19:38 🔗Иер. 49:1	Сия глаголет Господь: за три нечестия сынов Аммоних и за четыри не отвращуся их, понеже распоряху имущыя во утробе Галаадитов, яко да разширят пределы своя:
1:14 См.: 🔗Иер. 49:2	и разжегу огнь на забрала Раввафы, и пояст основания ея с воплем в день рати, и потрясется в день скончания своего:
1:15 См.: 🔗Иер. 49:3	и пойдут царие ея в плен, жерцы их и князи их вкупе, глаголет Господь.