Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 23 | |
23:1 | Да не входит каженик и скопец в сонм Господень. |
23:2 См.: 🔗Суд. 11:1 | Ниже да внидет блудородный во храм Господень до десятаго рода. |
23:3 См.: 🔗Неем. 13:1 | Да не внидет Амманитин и Моавитин в храм Господень: и даже до десятаго рода да не входит в храм Господень, и даже до века, |
23:4 См.: 🔗Чис. 22:5 | понеже не сретоша они вас с хлебы и водою на пути, исходящым вам из земли Египетския, и яко наяша на тя Валаама сына Веорова от Месопотамии, да тя прокленет: |
23:5 См.: 🔗Чис. 22:12 | и не восхоте Господь Бог твой послушати Валаама, и обрати Господь Бог твой клятвы в благословение, зане возлюби тя Господь Бог твой: |
23:6 | да не совещаеши мирная им и полезная им во вся дни твоя во веки. |
23:7 См.: 🔗Быт. 25:25 🔗Чис. 20:14 | Да не возгнушаешися Идумеанином, яко брат твой есть: да не возгнушаешися Египтянином, яко пришлец был еси в земли его: |
23:8 | сынове аще родятся им, в роде третием да внидут в храм Господень. |
23:9 | Аще же изыдеши ополчитися на враги твоя, и да сохранишися от всякаго слова зла. |
23:10 См.: 🔗Лев. 15:16 | Аще будет у тебе человек, иже не будет чист от излияния его нощию, и да изыдет вне полка, и да не внидет в полк: |
23:11 | и егда будет к вечеру, да омыет тело свое водою, и зашедшу солнцу да внидет в полк. |
23:12 | И место тебе да будет вне полка, и изыдеши тамо вон: |
23:13 | и рылец да будет тебе за поясом твоим, и будет егда сядеши вне, и да ископаеши им (яму), и навратив покрыеши стыдение твое в ней: |
23:14 См.: 🔗Лев. 26:12 | яко Господь Бог твой ходит в полце твоем избавляти тя и предати враги твоя в руце твои пред лицем твоим: и да будет полк твой свят, и да не явится у тебе стыдение вещи, и отвратится от тебе. |
23:15 | Да не предаси раба господину его, иже прииде к тебе от господина своего: |
23:16 См.: 🔗Исх. 22:21 | с тобою да обитает, с вами да живет во всяком месте, идеже угодно будет ему: да не оскорбиши его. |
23:17 См.: 🔗Чис. 25:8 🔗3Цар. 3:16 | Да не будет блудница от дщерей Израилевых, и да не будет блудник от сынов Израилевым. |
23:18 | Да не принесеши мзды блудничи, ниже цене песии в дом Господа Бога твоего на всяк обет, яко мерзость суть Господеви Богу твоему и обоя. |
23:19 См.: 🔗Пс. 14:5 | Да не даси брату твоему в лихву сребра и в лихву пищей и в лихву всякия вещи, емуже аще взаим даси: |
23:20 См.: 🔗Втор. 15:3 | чуждему да даси в лихву, брату же твоему да не даси в лихву, да благословит тя Господь Бог твой во всех делех твоих на земли, в нюже входиши тамо наследити ю. |
23:21 См.: 🔗Чис. 30:3 🔗Еккл. 5:3 | Аще же обещаеши обет Господеви Богу твоему, да не умедлиши воздати его, яко взыская взыщет Господь Бог твой от тебе, и будет на тебе грех: |
23:22 | аще же не восхощеши обещати, несть ти греха. |
23:23 | Исходящая на уст твоих сохрани и сотвори, имже образом обещал еси Господеви Богу твоему дар, егоже глаголал еси устами твоими. |
23:24 | Аще же внидеши на ниву ближняго своего, и собереши в руце свои класы, а серпа да не возложиши на ниву ближняго. |
23:25 | Аще же внидеши в виноград ближняго своего, да яси гроздие, елико души твоей насытитися, в сосуд же да не вложиши. |