Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 14 | |
14:1 См.: 🔗Чис. 34:2 | И сии наследовавшии от сынов Израилевых в земли Ханаанстей, имже разделиша ю в наследие Елеазар жрец и Иисус сын Навин и князи отечеств племен сынов Израилевых: |
14:2 См.: 🔗Чис. 34:13 🔗Деян. 13:19 | по жребием наследиша, якоже заповеда Господь Моисеом дати девяти племеном и полплемени (Манассиину), |
14:3 | даде бо Моисей наследие дву племеном и полплемени Манассиину об ону страну Иордана: левитом же не даде жребия в них: |
14:4 См.: 🔗Чис. 35:3 | занеже быша сынове Иосифовы два племена, Манассиино и Ефремле: и не дадеся части в земли левитом, но токмо грады обитати, и предградия скотом их, и скоты их. |
14:5 См.: 🔗Чис. 34:16 | Якоже заповеда Господь Моисею, тако сотвориша сынове Израилевы и разделиша землю. |
14:6 См.: 🔗Чис. 14:24 | И приидоша сынове Иудины ко Иисусу в Галгалы. И рече к нему Халев Иефонниин Кенезей: ты веси слово, еже глагола Господь к Моисею человеку Божию о мне и о тебе в Кадис – Варни: |
14:7 См.: 🔗Чис. 13:7 | четыредесяти бо лет бех, егда посла мя Моисей раб Господень от Кадис – Варни соглядати землю: и отвещах ему слово по сердцу его: |
14:8 См.: 🔗Чис. 13:31 🔗Чис. 14:6 | братия моя ходившии со мною превратиша сердце людий, аз же приложихся последовати Господеви Богу моему: |
14:9 См.: 🔗Нав. 1:3 | и клятся Моисей в той день, глаголя: земля, на нюже возшел еси, тебе будет в жребий и чадом твоим во век, яко приложился еси последовати Господу Богу моему: |
14:10 | и ныне препита мя Господь, якоже рече, сие четыредесять и пятое лето, отнележе глагола Господь слово сие к Моисею, и хождаше Израиль в пустыни: и ныне се, ми днесь осмьдесят и пять лет: |
14:11 См.: 🔗Втор. 34:7 🔗Сир. 46:11 | еще есмь днесь могий, якоже егда посла мя Моисей: тако и ныне могу входити и исходити на брань: |
14:12 | и ныне прошу у тебе горы сея, якоже рече Господь в день он, яко ты слышал еси слово сие в день оный: ныне же Енакими тамо суть, грады тверды и велицы: аще убо будет Господь со мною, потреблю их, якоже рече ми Господь. |
14:13 | И благослови его Иисус, и даде Хеврон Халеву сыну Иефонниину, сыну Кенезеину в жребий. |
14:14 | Сего ради бысть Хеврон Халеву Иефонниину Кенезеину в жребий даже до дне сего: понеже возследова повелению Господа Бога Израилева. |
14:15 См.: 🔗Нав. 15:13 | Имя же Хеврону прежде бяше Град Аргов: Митрополь Енакимлян сей. И почи земля от брани. |