Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 10 | |
10:1 | Слышите слово Господне, еже глагола Господь на вас, доме Израилев. |
10:2 См.: 🔗Втор. 18:9 | Сия глаголет Господь: по путем языков не учитеся и от знамений небесных не страшитеся, яко их боятся языцы. |
10:3 См.: 🔗Ис. 44:13 | Понеже законы языков суетни суть: древо есть от леса изсеченое, дело тектонское и слияние: |
10:4 См.: 🔗Прем. 13:10 🔗Ис. 40:19 | сребром и златом украшена суть, и млатами и гвоздьми утвердиша я, да не движутся: |
10:5 См.: 🔗Пс. 113:12 🔗Ис. 46:7 | сребро изваяно есть, не глаголют, носими носятся, понеже ходити не возмогут: не убойтеся их, яко не сотворят зла, и блага несть в них. |
10:6 См.: 🔗Пс. 85:8 | Несть подобен Тебе, Господи: велик еси Ты и велико имя Твое в крепости. |
10:7 См.: 🔗Отк. 15:4 | Кто не убоится Тебе, о, Царю языков! Твоя бо честь между всеми премудрыми языков, и во всех царствах их ни един есть подобен Тебе. |
10:8 | Купно буии и безумнии суть, учение суетных их древо есть: |
10:9 | сребро извито от Фарсиса приходит, злато от Офаза, и рука златарей, дела вся художников: в синету и багряницу одеют их, дела умоделников вся сия. |
10:10 См.: 🔗Пс. 9:37 | Господь же Бог истинен есть, Той Бог живый и Царь вечный, от гнева Его подвигнется земля, и не стерпят языцы прещения Его. |
10:11 См.: 🔗Гал. 4:8 🔗Вар. 3:18 | Тако рцыте им: бози, иже небесе и земли не сотвориша, да погибнут от земли и от сих, иже под небесем суть. |
10:12 См.: 🔗Пс. 135:6 🔗Иер. 51:15 | Господь сотворивый землю во крепости Своей, устроивый вселенную в премудрости Своей, и разумом Своим простре небо. |
10:13 См.: 🔗Пс. 134:7 🔗Пс. 148:4 | Ко гласу Своему дает множество вод на небеси: и возведе облаки от последних земли, блистания в дождь сотвори и изведе ветр от сокровищ Своих. |
10:14 См.: 🔗Иер. 51:17 🔗Рим. 1:22 | Буй сотворися всяк человек от ума (своего), постыдеся всяк златоделник во изваяниих своих, яко ложная слия, несть духа в них: |
10:15 | суетна суть дела, смеху достойна, во время посещения своего погибнут. |
10:16 См.: 🔗Иер. 51:19 | Несть сицевая часть Иакову, яко Создавый вся Той есть, и Израиль жезл достояния Его, Господь Сил имя Ему. |
10:17 | Собра отвне имение, обитающее во избранных, |
10:18 | понеже тако глаголет Господь: се, Аз отвергу обитатели земли сея в скорби и смущу их, яко да обрящется язва твоя. |
10:19 | Горе во сокрушении твоем, болезненна язва твоя: аз же рех: воистинну сия болезнь моя (есть) и объят мя, жилище мое опусте, погибе: |
10:20 | скиния моя опусте, погибе, и вся кожи моя растерзашася: сынов моих и овец моих несть, несть ктому места скинии моей, места кожам моим: |
10:21 См.: 🔗Иер. 50:6 🔗Ос. 9:7 | понеже обуяша пастырие и Господа не взыскаша, сего ради не уразуме все стадо и расточено бысть. |
10:22 См.: 🔗Иер. 1:14 | Глас слышания, се, грядет и трус велий от земли северныя, да положит грады Иудины в запустение и во обитание змием. |
10:23 См.: 🔗Пс. 36:23 🔗Прит. 20:24 | Вем, Господи, яко несть человеку путь его, ниже муж пойдет и исправит шествие свое. |
10:24 | Накажи нас, Господи, обаче в суде, а не в ярости, да не умаленых нас сотвориши. |
10:25 См.: 🔗Пс. 78:6 🔗Сир. 36:2 | Излий гнев Твой на языки не знающыя Тя и на племена, яже имене Твоего не призваша, яко поядоша Иакова и потребиша его и пажить его опустошиша. |