Книга Иова, глава 9

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 9
9:1	Отвещав же Иов, рече:
9:2 См.: 🔗Иов. 4:17	воистинну вем, яко тако есть: како бо будет праведен человек у Господа?
9:3	Аще бо восхощет судитися с Ним, не послушает Его, да не преречет ко единому словеси Его от тысящи.
9:4 См.: 🔗Иов. 37:23	Премудр бо есть мыслию, крепок же и велик: кто жесток быв противу Его, пребысть?
9:5 См.: 🔗Иер. 51:25 🔗Мф. 17:20	Обетшаяй горы, и не ведят, превращаяй я гневом:
9:6	трясый поднебесную из оснований, столпи же ея колеблются:
9:7 См.: 🔗Нав. 10:13 🔗4Цар. 20:11	глаголяй солнцу, и не восходит, звезды же печатствует:
9:8 См.: 🔗Иер. 51:15	прострый един небо и ходяй но морю, яко по земли:
9:9	творяй Плиады и Еспера, и Арктура и сокровища южная:
9:10 См.: 🔗Иов. 5:9	творяй велия и неизследованная, славная же и изрядная, имже несть числа.
9:11	Аще приидет ко мне, не имам видети: и аще мимоидет мене, никако уразумех.
9:12 См.: 🔗Ис. 10:15 🔗Ис. 14:27	Аще возмет, кто возвратит? Или кто речет Ему: что сотворил еси?
9:13 См.: 🔗Наум. 1:6	Сам бо отвращает гнев, слякошася под Ним кити поднебеснии.
9:14	Аще же мя услышит, или разсудит глаголы моя?
9:15 См.: 🔗Иов. 10:7	Аще бо и праведен буду, не услышит мене, суду Его помолюся:
9:16	аще же воззову, и услышит мя, не иму веры, яко услыша глас мой.
9:17	Да не мглою мя потребит, многа же ми сотрения сотвори всуе,
9:18	не оставляет бо мя отдохнути, исполни же мя горести.
9:19	Понеже силен есть крепостию: кто убо суду Его воспротивится?
9:20	Аще бо буду праведен, уста моя нечестия сотворят: аще же буду непорочен, стропотен буду.
9:21 См.: 🔗1Кор. 4:4	Аще бо нечестие сотворих, не вем душею моею: обаче отемлется ми живот.
9:22 См.: 🔗Иов. 34:9	Темже рех: велика и сильна губит гнев.
9:23	Яко лукавии смертию лютою погибнут, обаче праведным посмеваются.
9:24	Предана есть земля в руце нечестиваго, лица судий ея покрывает: аще же не Сам есть, кто есть?
9:25 См.: 🔗Иов. 7:7 🔗Пс. 89:10	Житие же мое есть легчае скоротечца: отбегоша и не видеша.
9:26 См.: 🔗Прем. 5:10	Или есть кораблем след пути, или орла летяща, ищуща яди?
9:27	Аще бо реку: забуду глаголя, приникнув лицем воздохну,
9:28	трясуся всеми удесы: вем бо, яко не безвинна мя оставиши.
9:29 См.: 🔗Иов. 7:20	Аще же нечестив есмь, почто не умрох?
9:30 См.: 🔗Иер. 2:22	Аще бо измыюся снегом и очищуся руками чистыми,
9:31	доволно во скверне омочил мя еси, возгнушася же мною одежда моя.
9:32 См.: 🔗Еккл. 6:10 🔗Иер. 49:19	Неси бо человек, якоже аз, Емуже противопрюся, да приидем вкупе на суд.
9:33	О, дабы ходатай нам был, и обличаяй и разслушаяй между обема.
9:34 См.: 🔗Пс. 88:33	Да отимет от мене жезл, страх же Его да не смущает мене:
9:35 См.: 🔗1Кор. 4:4	и не убоюся, но возглаголю, ибо тако не вем сам себе.