Третья книга Царств (Первая книга Царей), глава 6

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Глава 6
6:1 См.: 🔗2Пар. 3:1 🔗Деян. 7:47	И бысть в четыредесятное и в четвертосотное лето исхода сынов Израилевых из Египта, в лето четвертое, в месяц вторый, царствующу царю Соломону над Израилем, и созда храм Господеви.
6:2 См.: 🔗2Пар. 3:3	И храм, егоже созда Соломон царь Господеви, (бяше) шестьдесят лакот долгота его, и двадесяти лакот широта его, и тридесяти лакот высота его:
6:3 См.: 🔗2Пар. 3:4 🔗Ин. 10:23 🔗Деян. 3:11	и притвор, иже пред лицем храма, двадесяти лакот долгота его в широту дому, и десяти лакот широта его пред лицем дому: и созда храм, и соверши его.
6:4 См.: 🔗Иез. 40:16 🔗Иез. 41:16	И сотвори храму окна преклонены сокровены.
6:5 См.: 🔗1Пар. 28:12	И созда на стене дому притворы около храма и давира.
6:6	И сотвори бока около, бок иже с низу, пяти лакот широта его, и средний шести лакот широта, и третий седми лакот широта его: понеже разстояние дому сотвори окрест внеуду храма, яко да не досязают стен храма.
6:7 См.: 🔗3Цар. 5:18 🔗1Пет. 2:5	И храму зиждему сущу, камением краесекомым нетесаным создася: млат же, и теслица, и всякое орудие железно не слышася в храме, егда созидатися ему.
6:8 См.: 🔗Иез. 41:7	И двери бока нижняго под стеною храма десною, и извиенный восход до средины, а от средины до трекровных.
6:9	И созда храм, и соверши его: и обстави храм дсками кедровыми.
6:10	И сотвори вязания окрест всего храма, пять лакот в высоту его, и связа вязание древом кедровым.
6:11	И бысть слово Господне к Соломону, глаголющее:
6:12 См.: 🔗2Цар. 7:8 🔗3Цар. 5:5 🔗3Цар. 9:5 🔗3Цар. 11:10 🔗1Пар. 22:10	храм сей егоже ты созидаеши, аще пойдеши по заповедем Моим, и судбы Моя сотвориши, и сохраниши вся повеления Моя, еже пребывати в них, утвержу слово Мое с тобою, еже глаголах Давиду отцу твоему,
6:13 См.: 🔗Лев. 26:12 🔗Ин. 14:23	и вселюся посреде сынов Израилевых, и не оставлю людий Моих Израиля.
6:14	И созда Соломон храм, и сконча его.
6:15 См.: 🔗2Пар. 3:5	И созда стены храму внутрь древом кедровым, от земли храма и даже до стен и даже до верха: около обстави содержащая древами внутрьуду и укрепи внутрь храма боками певговыми.
6:16 См.: 🔗2Пар. 3:8	И созда двадесяти лакот от края стены бок един от земли даже до верха: и сотвори ему внутрь от давира стену до Святая святых.
6:17	И четыредесяти лакот бяше храм: сей (есть) храм внутреннейший.
6:18	И от кедра во храме внутрь постави плетение и дщицы и ваяния вся кедрова: камень не являшеся.
6:19	Пред лицем давира, посреде храма внутрь уготова поставити тамо кивот завета Господня.
6:20 См.: 🔗2Пар. 3:8 🔗3Цар. 7:48	И пред лицем давира двадесяти лакот долгота, и двадесяти лакот широта, и двадесяти лакот высота его, и объят его златом чистым: и сотвори олтарь кедровый: и повлече Соломон храм внутрь златом чистым, и пригвозди гвоздми златыми пред лицем давира, и объят и златом.
6:21	И весь храм объят златом до скончания всего храма.
6:22	И все внутрь давира покры златом.
6:23 См.: 🔗Исх. 25:18 🔗Исх. 37:7	И сотвори в давире два херувима от древ кипарисных, десять лакот мерою величество:
6:24 См.: 🔗2Пар. 3:11	и пяти лакот крило херувима единаго, и пяти лакот крило его второе, десяти лакот от края крила его до края крила его:
6:25	и десяти лакот такожде (мера) херувиму второму, мера едина совершение едино обоим херувимом:
6:26	и высота херувима единаго десять лакот, такожде и второму херувиму.
6:27	И постави оба херувима посреде храма внутренняго: и простираху крила своя, и досязаше крило едино до стены храма, и крило другаго херувима досязаше до стены вторыя: и крила их яже бяху посреде храма, касашеся крило с крилом:
6:28	и объяты быша херувимы златом.
6:29 См.: 🔗Иез. 40:16	И на всех стенах храма около ваяния написа подобием херувимов, и финики, и изваянна произницающая внутрьуду и внеуду.
6:30	И помост храма из внутрьуду и внеуду объят златом.
6:31	И входу давира сотвори двери от древ смерчиих, и праги пятеричны,
6:32 См.: 🔗Иез. 11:18	и двои двери от древ певговых, и изваяния на них изваяна, херувимы, и финики, и дщицы простертыя, и объят я златом, и бяше златом устроено до херувимов и до фиников.
6:33	И тако сотвори вратом храма: и праги от древ смерчиих, притворы четверогубо.
6:34 См.: 🔗Иез. 41:23	И на обоих дверях древа певгова: два затвора дверь едина и вереи их, и два затвора дверь вторая вращающаяся в себе,
6:35	(на нихже сотвори) изваянныя херувимы и финики, и дщицы простертыя, и объятыя златом свешеным на изображение.
6:36 См.: 🔗2Пар. 4:9	И созда двор внутренний: в три ряда нетесаных, и ряд тесанаго кедра около.
6:37	В лето четвертое основа храм Господень в месяце зии, во вторый месяц.
6:38 См.: 🔗3Цар. 9:10 🔗Исх. 12:2 🔗Исх. 13:4	Во единонадесятое лето в месяце Вул, сей месяц осмый, совершися храм по всему словеси своему и по всему устроению своему: и созда его в седмь лет.