Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Псаломъ 57 | |
57:1 | В конец, да не растлиши, Давиду в столпописание. |
57:2 | Аще воистинну убо правду глаголете, правая судите, сынове человечестии. |
57:3 См.: 🔗Прит. 21:29 | Ибо в сердцы беззаконие делаете на земли, неправду руки вашя сплетают. |
57:4 См.: 🔗Пс. 115:2 | Очуждишася грешницы от ложесн, заблудиша от чрева, глаголаша лжу. |
57:5 См.: 🔗Пс. 139:4 | Ярость их по подобию змиину, яко аспида глуха и затыкающаго уши свои, |
57:6 См.: 🔗Ис. 48:8 | иже не услышит гласа обавающих, обаваемь обавается от премудра. |
57:7 См.: 🔗Пс. 3:8 | Бог сокрушит зубы их во устех их: членовныя львов сокрушил есть Господь. |
57:8 См.: 🔗Иер. 17:11 | Уничижатся яко вода мимотекущая: напряжет лук свой, дондеже изнемогут. |
57:9 См.: 🔗Иов. 3:16 🔗Еккл. 6:10 | Яко воск растаяв отимутся: паде огнь на них, и не видеша солнца. |
57:10 См.: 🔗2Цар. 23:6 🔗Иез. 2:6 | Прежде еже разумети терния вашего рамна, яко живы, яко во гневе пожрет я. |
57:11 См.: 🔗Отк. 14:20 | Возвеселится праведник, егда увидит отмщение: руце свои умыет в крови грешника. |
57:12 См.: 🔗Еккл. 3:17 🔗Иер. 9:24 | И речет человек: аще убо есть плод праведнику, убо есть Бог судя им на земли. |