Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 35 | |
35:1 | И бысть слово Господне ко мне глаголя: |
35:2 См.: 🔗Иез. 25:8 🔗Авд. 1:10 | сыне человечь, обрати лице твое к горе Сеир и прорцы на ню и рцы ей: |
35:3 См.: 🔗Ис. 31:3 | сия глаголет Адонаи Господь: се, Аз на тя, горо Сеир, и простру руку Мою на тя и поставлю тя пусту, и опустееши, |
35:4 См.: 🔗Иез. 7:27 | и во градех твоих пустыню сотворю, и ты в пустыню будеши, и уразумееши, яко Аз есмь Господь. |
35:5 См.: 🔗Ам. 1:11 🔗Иез. 21:29 | Понеже бысть в тебе вражда вечная, и приседела еси дому Израилеву лукавством, рукою врагов с мечем во время печали их и во время неправды, на последок: |
35:6 | сего ради живу Аз, глаголет Адонаи Господь, понеже в крови согрешила еси, и кровь поженет тя, кровь возненавидела еси, и кровь ижденет тя. |
35:7 | И поставлю гору Сеир пусту и опустевшу, и погублю от нея человеки и скоты, (и приходяща и отходяща:) |
35:8 | и наполню язвеными твоими холмы твоя и дебри твоя, и на всех полех твоих язвении мечем падут в тебе: |
35:9 См.: 🔗Мал. 1:4 | и пусту во век поставлю тя, и гради твои не населятся ктому, и уразумееши, яко Аз есмь Господь. |
35:10 См.: 🔗Пс. 82:13 | Понеже рекла еси: оба языка и обе стране мои будут, и возму их в наследие, а Господь тамо есть: |
35:11 См.: 🔗Иез. 7:27 | сего ради живу Аз, глаголет Адонаи Господь, и сотворю тебе по вражде твоей и по ревности твоей, юже сотворила еси от ненавидения к ним, и познан буду тобою, егда имам тебе судити, и уразумееши, яко Аз есмь Господь. |
35:12 См.: 🔗Авд. 1:12 | Слышах глас всех хулений твоих, яже глаголала еси: горы Израилевы пусты даны нам во снедь: |
35:13 | и велеречила еси на Мя усты твоими и умножила на Мя словеса, Аз же услышах. |
35:14 | Сего ради тако глаголет Адонаи Господь: во веселии всея земли пусту тя сотворю: |
35:15 См.: 🔗Авд. 1:15 | якоже порадовалася еси о наследии дому Израилева, яко погибе, тако сотворю тебе: пуста будеши, горо Сеир, и вся Идумеа потребится, и уведят, яко Аз есмь Господь Бог их. |