Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 44 | |
44:1 См.: 🔗Иез. 40:3 | И обрати мя на путь врат святых внешних, зрящих на востоки: и сия бяху затворенна. |
44:2 | И рече Господь ко мне: сия врата заключенна будут и не отверзутся, и никтоже пройдет ими: яко Господь Бог Израилев внидет ими, и будут заключенна. |
44:3 См.: 🔗Иез. 46:8 | Зане старейшина сей сядет в них ясти хлеб пред Господем: по пути елама врат внидет и по пути его изыдет. |
44:4 См.: 🔗Иез. 43:5 | И введе мя по пути врат яже к северу, прямо храму: и видех, и се, полн славы дом Господень. И падох ниц на лицы моем. |
44:5 См.: 🔗Иез. 40:4 | И рече Господь ко мне: сыне человечь, сложи в сердцы твоем, и виждь очима твоима и ушима твоима слыши вся, елика Аз глаголю с тобою, по всем повелением храма Господня и по всем узаконением его: и устроиши сердце твое на вход храма по всем исходам его во всех святых. |
44:6 См.: 🔗Иез. 45:9 🔗Чис. 16:7 | И речеши к дому прогневляющему мя, к дому Израилеву: сия глаголет Господь Бог: да довлеет вам от всех беззаконий ваших, доме Израилев, |
44:7 См.: 🔗Деян. 21:28 | еже вводити вам сыны иноплеменничы необрезаны сердцем и необрезаны плотию, еже бывати им во святых Моих, и оскверняху я, егда приносите вы хлебы, тук и мяса и кровь: и преступасте завет Мой во всех беззакониих ваших, |
44:8 | и не снабдесте хранити стражбы во святых Моих, и постависте стражей стрещи стражбы святых Моих себе. |
44:9 | Того ради сице глаголет Адонаи Господь: всяк сын иноплеменничь необрезан сердцем и необрезан плотию да не внидет во святая Моя во всех сынех иноплеменничих, иже суть среде дому Израилева: |
44:10 См.: 🔗Иез. 48:11 🔗Деян. 21:28 | но и левити, иже отвергошася Мене, егда заблуждаше Израиль, иже заблудиша от Мене вслед помыслов своих, и возмут неправду свою |
44:11 | и будут служаще во святых Моих, вратари у дверий храма и служащии храму: тии да закалают жертвы и всесожжения людем и тии да станут пред людьми, еже служити им. |
44:12 | Понеже служиша им пред лицем кумиров своих, и бысть дому Израилеву в мучение неправды: того ради воздвигох на ня руку Мою, глаголет Господь Бог (Израилев), и возмут беззаконие свое, |
44:13 См.: 🔗Ос. 4:6 | и не приступят ко Мне служити Мне, ни приносити ко святым сынов Израилевых, ниже ко Святым Святынь Моих, и возмут безчестие свое в заблуждении, в немже прельстишася: |
44:14 | и учинят я стрещи стражбы храма на вся дела его |
44:15 См.: 🔗Иез. 40:46 🔗Иез. 48:11 | и на вся, елика сотворят жерцы и левити, сынове Садуковы, иже сохраниша стражбы святынь Моих (и пути Моя), егда заблуждаше дом Израилев от Мене: сии приступят ко Мне, еже служити Мне, и станут пред лицем Моим, еже приносити Мне жертву, тук и кровь, глаголет Адонаи Господь. |
44:16 См.: 🔗Лев. 24:6 | Сии внидут во святая Моя и сии приступят ко трапезе Моей, еже служити Мне, и сохранят стражбы Моя. |
44:17 См.: 🔗Лев. 19:19 🔗Втор. 22:11 | И будет внегда входити им во врата двора внутренняго, в ризы льняны да облекутся, а да не облекутся в волняны, внегда служити им от врат двора внутренняго. |
44:18 См.: 🔗Исх. 28:42 | И клобуки льняны да имут на главах своих, и опоясания льняна да имут о чреслех своих, и да не препоясуются крепко: |
44:19 См.: 🔗Иез. 42:14 | и егда исходят к людем во внешний двор, да совлекутся риз своих, в нихже тии служат, и да положат я в преградах святых, и облекутся в ризы ины, и да не освятят людий в ризах своих: |
44:20 См.: 🔗Лев. 19:27 | и глав своих да не обриют, и влас своих да не растят, покрывающе покрыют главы своя. |
44:21 См.: 🔗Лев. 10:9 | И вина да не пиет всяк жрец, егда входит во внутренний двор. |
44:22 См.: 🔗Лев. 21:13 | И вдовицы и пущеницы да не поемлют себе в жену, но токмо девицу от племене дому Израилева: и аще будет вдова жерча, да оную поймут. |
44:23 | И люди Моя да научат разлучати между святым и сквернавым, и между чистым и нечистым возвестят им. |
44:24 См.: 🔗Втор. 17:18 🔗2Пар. 19:10 | И на суде крове тии да стоят, еже разсуждати: оправдания Моя да оправдят и суды Моя да судят, и законы Моя и повеления Моя во всех праздницех Моих сохранят, и субботы Моя освятят. |
44:25 См.: 🔗Лев. 21:1 | И над душу человека не приидут осквернитися, но точию над отцем и материю, и сыном и дщерию, и братом и сестрою своею, яже не посягла за мужа, осквернится. |
44:26 См.: 🔗Чис. 19:11 | И по очищении своем седмь дний да сочтет себе. |
44:27 | И во оньже день входят во двор внутренний, еже служити во святилищи, да принесут очищение, глаголет Господь Бог. |
44:28 | И будет им в наследие: Аз им наследие, и одержание им не дастся в сынех Израилевых, яко Аз одержание их. |
44:29 | Жертвы же и яже за грехи и за неведение сии да ядят: и всякое отлученное во Израили тем да будет: |
44:30 См.: 🔗Исх. 13:2 🔗Исх. 22:29 | начатки всех и первенцы всех и участия вся, от всех начатков ваших жерцем да будут: и начатки жит ваших да дасте жерцу, еже положити благословения в домех ваших. |
44:31 См.: 🔗Исх. 22:31 🔗Лев. 22:8 | И всякия мертвечины и звероядины, от птиц и от скот да не ядят жерцы. |