Псалтирь, псалом 104

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Псаломъ 104
104:1 См.: 🔗1Пар. 16:8 🔗Ис. 12:4	Исповедайтеся Господеви и призывайте имя Его, возвестите во языцех дела Его:
104:2 См.: 🔗Пс. 70:17	воспойте Ему и пойте Ему, поведите вся чудеса Его.
104:3 См.: 🔗Пс. 33:4	Хвалитеся о имени святем Его: да возвеселится сердце ищущих Господа:
104:4	взыщите Господа и утвердитеся, взыщите лица Его выну.
104:5	Помяните чудеса Его, яже сотвори, чудеса Его и судбы уст Его,
104:6	семя Авраамле раби Его, сынове Иаковли избраннии Его.
104:7	Той Господь Бог наш: по всей земли судбы Его.
104:8 См.: 🔗Деян. 7:5 🔗Исх. 2:24	Помяну в век завет Свой, слово, еже заповеда в тысящы родов,
104:9 См.: 🔗Быт. 17:2 🔗Быт. 26:3 🔗Лк. 1:73 🔗Евр. 6:13	еже завеща Аврааму, и клятву Свою Исааку:
104:10 См.: 🔗Быт. 13:15	и постави ю Иакову в повеление и Израилю в завет вечен,
104:11	глаголя: тебе дам землю Ханааню, уже достояния вашего.
104:12	Внегда быти им малым числом, малейшым и пришелцем в ней,
104:13 См.: 🔗Быт. 13:8 🔗Евр. 11:8	и преидоша от языка в язык и от царствия в люди ины:
104:14 См.: 🔗Быт. 12:17	не остави человека обидети их и обличи о них цари:
104:15 См.: 🔗1Пар. 16:22	не прикасайтеся помазанным Моим, и во пророцех Моих не лукавнуйте.
104:16 См.: 🔗Быт. 41:57	И призва глад на землю: всяко утверждение хлебное сотры.
104:17 См.: 🔗Быт. 37:28	Посла пред ними человека: в раба продан бысть Иосиф.
104:18 См.: 🔗Быт. 39:20	Смириша во оковах нозе его, железо пройде душа его,
104:19	дондеже прииде слово Его: слово Господне разжже его.
104:20 См.: 🔗Быт. 41:14	Посла царь и разреши его: князь людий, и остави его.
104:21 См.: 🔗Деян. 7:10	Постави его господина дому своему и князя всему стяжанию своему,
104:22	наказати князи его яко себе и старцы его умудрити.
104:23 См.: 🔗Быт. 46:6	И вниде Израиль во Египет, и Иаков пришелствова в землю Хамову.
104:24 См.: 🔗Исх. 1:7 🔗Деян. 7:17	И возрасти люди Своя зело и укрепи я паче врагов их.
104:25 См.: 🔗Исх. 1:14	Преврати сердце их возненавидети люди Его, лесть сотворити в рабех Его.
104:26 См.: 🔗Исх. 3:10	Посла Моисеа раба Своего, Аарона, егоже избра себе:
104:27 См.: 🔗Исх. 7:10	положи в них словеса знамений Своих и чудес Своих в земли Хамове.
104:28 См.: 🔗Исх. 10:22	Посла тму и помрачи, яко преогорчиша словеса Его.
104:29 См.: 🔗Исх. 7:20 🔗Пс. 77:44	Преложи воды их в кровь и измори рыбы их.
104:30 См.: 🔗Исх. 8:6	Воскипе земля их жабами в сокровищницах царей их.
104:31 См.: 🔗Исх. 8:17 🔗Пс. 77:45	Рече, и приидоша песия мухи и скнипы во вся пределы их.
104:32 См.: 🔗Исх. 9:23	Положи дожди их грады, огнь попаляющь в земли их:
104:33 См.: 🔗Исх. 9:25 🔗Пс. 77:47	и порази винограды их и смоквы их, и сотры всякое древо предел их.
104:34 См.: 🔗Исх. 10:13 🔗Пс. 77:46	Рече, и приидоша прузи и гусеницы, имже не бе числа,
104:35	и снедоша всяку траву в земли их, и поядоша всяк плод земли их.
104:36 См.: 🔗Исх. 12:29 🔗Пс. 77:51	И порази всякаго первенца в земли их, начаток всякаго труда их:
104:37 См.: 🔗Исх. 12:35	и изведе я с сребром и златом: и не бе в коленех их боляй.
104:38 См.: 🔗Исх. 12:33	Возвеселися Египет во исхождении их: яко нападе страх их на ня.
104:39 См.: 🔗Исх. 13:21 🔗Пс. 77:14	Распростре облак в покров им, и огнь, еже просветити им нощию.
104:40 См.: 🔗Исх. 16:13	Просиша, и приидоша крастели, и хлеба небеснаго насыти я:
104:41 См.: 🔗Исх. 17:6 🔗Чис. 20:11 🔗Пс. 77:16 🔗Прем. 11:4 🔗1Кор. 10:4	разверзе камень, и потекоша воды, потекоша в безводных реки:
104:42 См.: 🔗Быт. 22:16	яко помяну слово святое Свое, еже ко Аврааму рабу Своему.
104:43 См.: 🔗Нав. 3:1	И изведе люди Своя в радости и избранныя Своя в веселии.
104:44	И даде им страны язык, и труды людий наследоваша:
104:45	яко да сохранят оправдания Его и закона Его взыщут.