Псалтирь, псалом 139

	Язык: Церковнослав. (гражд.) Церковнослав. (цс.) Церковнослав. (дореф.) Рус. (Синодальный) Українська English (NKJV) English (KJV) Srpski Елизаветинская Библия на церковно­славянском языке в гражданском начертании.
	Псаломъ 139
139:1	Изми мя, Господи, от человека лукава, от мужа неправедна избави мя:
139:2	иже помыслиша неправду в сердцы, весь день ополчаху брани:
139:3	изостриша язык свой яко змиин: яд аспидов под устнами их.
139:4 См.: 🔗Пс. 5:10 🔗Пс. 57:5 🔗Рим. 3:13	Сохрани мя, Господи, из руки грешничи, от человек неправедных изми мя, иже помыслиша запяти стопы моя.
139:5 См.: 🔗2Цар. 22:3	Скрыша гордии сеть мне и ужы, препяша сеть ногама моима:
139:6 См.: 🔗Пс. 63:6 🔗Пс. 141:4 🔗Иер. 18:22	при стези соблазны положиша ми.
139:7	Рех Господеви: Бог мой еси Ты, внуши, Господи, глас моления моего.
139:8	Господи, Господи, сило спасения моего, осенил еси над главою моею в день брани.
139:9 См.: 🔗Втор. 32:27	Не предаждь мене, Господи, от желания моего грешнику: помыслиша на мя, не остави мене, да не когда вознесутся.
139:10 См.: 🔗Пс. 7:15	Глава окружения их, труд устен их покрыет я.
139:11 См.: 🔗Пс. 10:6	Падут на них углия огненная, низложиши я во страстех, и не постоят.
139:12 См.: 🔗Сир. 28:15	Муж язычен не исправится на земли: мужа неправедна злая уловят во истление.
139:13 См.: 🔗Пс. 9:19	Познах, яко сотворит Господь суд нищым и месть убогим.
139:14	Обаче праведнии исповедятся имени Твоему, и вселятся правии с лицем Твоим.