Язык:
Церковнослав. (гражд.)
Елизаветинская Библия на церковнославянском языке в гражданском начертании.
| |
Глава 24 | |
24:1 См.: 🔗Пс. 36:1 🔗Прит. 23:17 | Сыне, не ревнуй мужем злым, ниже возжелей быти с ними: |
24:2 См.: 🔗Пс. 9:28 | лжам бо поучается сердце их, и болезни устне их глаголют. |
24:3 | С премудростию зиждется дом и с разумом исправляется. |
24:4 | С чувствием исполняются сокровища от всякаго богатства честнаго и добраго. |
24:5 | Лучше мудрый крепкаго, и муж разум имеяй земледелца велика. |
24:6 См.: 🔗Прит. 20:18 | Со управлением бывает брань, помощь же с сердцем советным. |
24:7 См.: 🔗Прит. 14:6 | Премудрость и мысль блага во вратех премудрых: смысленнии не укланяются от закона Господня, |
24:8 | но советуют в сонмищих. Ненаказанных сретает смерть, |
24:9 | умирает же безумный во гресех. Нечистота мужу губителю: |
24:10 | осквернится в день зол и в день печали, дондеже оскудеет. |
24:11 См.: 🔗Пс. 81:4 | Избави ведомыя на смерть и искупи убиваемых, не щади. |
24:12 | Аще же речеши: не вем сего: разумей, яко Господь всех сердца весть, и создавый дыхание всем, сей весть всяческая, Иже воздаст комуждо по делом его. |
24:13 | Яждь мед, сыне, благ бо есть сот, да насладится гортань твой: |
24:14 | сице уразумееши премудрость душею твоею: аще бо обрящеши, будет добра кончина твоя, и упование не оставит тебе. |
24:15 См.: 🔗Прит. 1:11 | Не приводи нечестиваго на пажить праведных, ниже прельщайся насыщением чрева: |
24:16 См.: 🔗Пс. 36:24 🔗Ам. 5:2 | седмерицею бо падет праведный и востанет, нечестивии же изнемогут в злых. |
24:17 См.: 🔗Иов. 31:29 | Аще падет враг твой, не обрадуйся ему, в преткновении же его не возносися: |
24:18 | яко узрит Господь, и не угодно Ему будет, и отвратит ярость Свою от него. |
24:19 См.: 🔗Пс. 36:1 | Не радуйся о злодеющих и не ревнуй грешным, |
24:20 См.: 🔗Прит. 13:9 | не пребудут бо внуцы лукавых, светило же нечестивых угаснет. |
24:21 | Бойся Бога, сыне, и царя, и ни единому же их противися: |
24:22 | внезапу бо истяжут нечестивых, мучения же обоих кто увесть? Слово сохраняяй сын кроме погибели будет: приемляй же прият оное. Ничтоже ложно от языка цареви да глаголется, и ни едина лжа от языка его да изыдет: меч (есть) язык царев, а не плотян: и иже аще предан будет, сокрушится: аще бо раздражится ярость его, со жилами человеки губит, и кости человеческия поядает и сожигает яко пламень, яко не ядомым быти птенцами орлими. Моих словес, сыне, бойся, и приим я покайся. |
24:23 См.: 🔗Прит. 18:5 | Сия же вам смысленным глаголю разумети: срамлятися лица на суде не добро. |
24:24 См.: 🔗Ис. 5:23 | Глаголяй нечестиваго, яко праведен есть, проклят от людий будет и возненавиден во языцех: |
24:25 | обличающии же лучшии явятся, на няже приидет благословение благо: |
24:26 | и устне облобызают отвещающыя словеса блага. |
24:27 | Уготовляй на исход дела твоя, и уготовися на село, и ходи вслед мене, и созиждеши дом твой. |
24:28 | Не буди свидетель лжив на твоего гражданина, ниже пространяйся твоима устнама. |
24:29 См.: 🔗Прит. 17:13 | Не рцы: имже образом сотвори ми, сотворю ему и отмщу ему, имиже мя преобиде. |
24:30 | Якоже нива муж безумный, и яко виноград человек скудоумный: |
24:31 См.: 🔗Прит. 15:19 | аще оставиши его, опустеет и травою порастет весь, и будет оставлен, ограды же каменныя его раскопаются. |
24:32 | Последи аз покаяхся, воззрех избрати наказание: |
24:33 См.: 🔗Прит. 6:10 | мало дремлю, мало же сплю и мало объемлю рукама перси: |
24:34 См.: 🔗Прит. 28:19 | аще же сие твориши, приидет предидущи нищета твоя и скудость твоя, яко благ течец. |